ភ្នំពេញ៖ លោក ម៉ៅ ធនិន អភិបាលខេត្តកំពតបានធ្វើការ ណែនាំដល់អ្នកទទួលម៉ៅការភាស៊ីទាំងអស់ក្នុងផ្សារសាមគ្គី មិនត្រូវយកភាស៊ី ពីជនចាស់ជរា។
ការណែនាំរបស់លោកបែបនេះ បានធ្វើឡើង ក្នុងពេលអញ្ជើញចុះសាកសួរសុខទុក្ខ អាជីវករ ផ្សារសាមគ្គីទីរួមខេត្តកំពតក្នុងសង្កាត់កំពង់បាយ ក្រុងកំពតកាលពីថ្ងៃចន្ទ ទី១៨ ខែតុលា ឆ្នាំ២០២១។
ក្នុងឱកាសនោះ លោកអភិបាលខេត្តបានណែនាំ ដល់អ្នកទទួលម៉ៅការភាស៊ីទាំងអស់ មិនត្រូវយកភាស៊ីលើស ការកំណត់ ដែលមានចែងនៅក្នុងសៀវភៅបន្ទុក ជាពិសេសមិនត្រូវយកភាស៊ីពីជនចាស់ជរា ដែលមានអាយុចាប់ពី ៦០ឡើង ឬក្មួយតូចៗ ដែលលក់បន្លែបង្កា ត្រី…បន្តិចបន្តួចនោះឡើយ។
ជាមួយគ្នានោះ លោក ម៉ៅ ធនិនក៏បានទទួលយកសូមណូមពរមួយចំនួនរបស់អាជីវករ ដើម្បីដោះស្រាយជូនពួកគាត់ផងដែរ៕
