ភ្នំពេញ៖ កម្លាំងកងរាជអាវុធហត្ថលើផ្ទៃប្រទេស និងកម្លាំងជំនាញកងរាជអាវិធហត្ថ ខេត្តកំពង់ស្ពឺ ព្រមទាំងកម្លាំងមូលដ្ឋានកងរាជអាវុធហត្ថស្រុកឱរ៉ាល់ សហការគ្នា នៅរសៀលថ្ងៃទី២២ ខែតុលា ឆ្នាំ២០២១ បានចាប់ជនសង្ស័យឈ្មោះ នី កុយ ភេទប្រុស អាយុ២៩ឆ្នាំ មុខរបរកសិករ មានទីលំនៅភូមិល្ងឹម ឃុំត្រពាំងជោ ស្រុកឱរ៉ាល់ ។
ក្រោយឃាត់ខ្លួន កម្លាំងបានដកហូតត្រាក់ទ័រចំនួន១គ្រឿង ម៉ាកKUBOTA ពណ៌ ក្រហម ពីករណីបើកត្រាក់ទ័រដេញបុកសមត្ថកិច្ច ដែលកំពុងចុះបំពេញភារកិច្ច ។
បច្ចុប្បន្ន ជនសង្ស័យត្រូវបានបញ្ជូនទៅបញ្ជាការដ្ឋាន កងរាជអាវុធហត្ថ ខេត្តកំពង់ស្ពឺ ដើម្បីចាត់ការតាមនីតិវិធី រីឯត្រាក់ទ័រត្រូវបានរក្សាទុកនៅមូលដ្ឋានកងរាជអាវុធហត្ថស្រុកឱរ៉ាល់៕
![](https://i0.wp.com/champeynews.com/wp-content/uploads/2021/10/185-3.jpg?resize=689%2C1049&ssl=1)
![](https://i0.wp.com/champeynews.com/wp-content/uploads/2021/10/186-3.jpg?resize=694%2C623&ssl=1)
![](https://i0.wp.com/champeynews.com/wp-content/uploads/2021/10/183-2.jpg?resize=696%2C338&ssl=1)