ភ្នំពេញ៖ មន្ត្រីបរិស្ថានខេត្តស្ទឺងត្រែងបានឃាត់ខ្លួនជនសង្ស័យចំនួន៥នាក់ នឹងរឹបអូសភស្តុតាងមួយចំនួនពាក់ព័ន្ធករណីកាប់រុករានដីព្រៃឡង់ ក្នុងខេត្តព្រះវិហារ។
បើតាមប្រធានមន្ទីរបរិស្ថានខេត្តស្ទឹងត្រែងបានឲ្យដឹងថា មន្ត្រីការិយាល័យនៃដែនជម្រកសត្វព្រៃរបស់មន្ទីរបរិស្ថានខេត្តស្ទឹងត្រែង បានកសាងសំណុំរឿងជនសង្ស័យចំនួន៥នាក់ និងភស្តុតាងមួយចំនួនករណីកាប់រុករានដីព្រៃឡង់ខុសច្បាប់កាលពីថ្ងៃទី២៦ ខែតុលា ឆ្នាំ២០២១ ដោយជនប្រព្រឹត្តបទល្មើសបានធ្វើសកម្មភាពជាក់ស្តែងក្នុងតំបន់ព្រៃឡង់ទឹកដីខេត្តព្រះវិហារដែលមានព្រំប្រទល់ជាប់ខេត្តស្ទឹងត្រែង។
ជាមួយនោះមន្ទីរបរិស្ថានខេត្តស្ទឹងត្រែងក៏បានចេញសេចក្តីប្រកាសព័ត៌មានមួយនៅថ្ងៃទី ២៨ តុលានេះថាមន្ទីរបរិស្ថានបានឃាត់ខ្លួនជនសង្ស័យនិងកសាងសំណុំរឿងបញ្ជូនទៅកាន់មន្ទីរបរិស្ថានខេត្តព្រះវិហារផងដែរ៕