ខេត្តបាត់ដំបង៖ កម្លាំងផ្នែកប្រឆាំងគ្រឿងញៀនសហការ ជាមួយកម្លាំងអន្តរាគមន៍នៃអធិការដ្ឋាននគរបាលស្រុកបាណន់ កាលពីថ្ងៃទី២៦ ខែតុលា ឆ្នាំ២០២១ វេលាម៉ោង១៤និង៣០នាទី ដឹកនាំដោយលោកវរសេនីយ៍ឯក ប៉ាន់ វ៉ាន់នី អធិការនគរបាលស្រុក បានចុះបង្ក្រាបករណីជួញដូរ ចែកចាយ រក្សាទុកដោយខុសច្បាប់នូវសារធាតុញៀន១ករណី ក្នុងបទល្មើសជាក់ស្តែង នៅចំនុចប្ញស្សីរោទ៍ស្ថិតក្នុងភូមិស្លាបប៉ាង ឃុំតាគ្រាម ស្រុកបាណន់។
ក្នុងការបង្ក្រាបនេះ សមត្ថកិច្ចបានធ្វើការឃាត់ខ្លួនជនសង្ស័យម្នាក់ឈ្មោះ មោះ ប៊ូ ឃ្លាំង ភេទប្រុស អាយុ ៤១ឆ្នាំ ជនជាតិខ្មែរ មានទីលំនៅ ភូមិស្លាបប៉ាង ឃុំតាគ្រាម ស្រុកបាណន់ ។
វត្ថុតាងដកហូតបានរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០៥ថង់, ថង់សម្រាប់រំលែកច្រកគ្រឿងញៀនលក់មួយចំនួន, ទូរស័ព្ទដៃ១គ្រឿង,ប្រាក់ខ្មែរចំនួន ៩០,០០០រៀល (ប្រាំបួនម៉ឺនរៀល) ប្រាក់ដុល្លាចំនួន ០៣ដុល្លា (បីដុល្លា)។
បច្ចុប្បន្នជនសង្ស័យនិងវត្ថុតាងបាន នឹងកំពុងកសាងសុំណុំរឿងបញ្ជូនទៅតុលាការខេត្តបាត់ដំបង៕
