នាយកដ្ឋានព័ត៌មានវិទ្យា៖ កម្មវិធី Telegram បានក្លាយជាកម្មវិធីផ្ញើសារអេឡិចត្រូនិក ដ៏កំពុងពេញនិយមជាងគេមួយ នៅព្រះរាជាណាចក្រកម្ពុជា ដែលត្រូវបានប្រើប្រាស់ នៅតាមបណ្តាស្ថាប័នរដ្ឋ វិស័យឯកជន និងគ្រឹះស្ថានសិក្សានានាផងដែរ ដើម្បីបញ្ជូនព័ត៌មាន រូបភាព វីដេអូ និងឯកសារផ្សេងៗទៅវិញទៅមក។
ថ្មីៗនេះ Telegram បានធ្វើបច្ចុប្បន្នភាពថ្មី ដែលភ្ជាប់មុខងារមួយចំនួន ដូចជា Hyper-Speed Scrolling and Calendar View for Shared Media, Join Requests, Global Chat Themes លើប្រព័ន្ធប្រតិបត្តិការ (iOS និង android) ។
ជាមួយគ្នានេះដែរ ក្រុមការងារបច្ចេកទេស របស់នាយកដ្ឋានព័ត៌មានវិទ្យា សូមលើកយកមុខងារពិសេសៗចំនួន ២ មកចែករំលែកជូនបងប្អូន ប្រជាពលរដ្ឋដូចខាងក្រោម ៖
មុខងារទី១៖ Hyper-Speed Scrolling for Shared Media ៖ គ្រប់ការសន្ទនារបស់លោកអ្នកជាក្រុម ឬបុគ្គល គឺមានការចែករំលែករូបភាព និងវីដេអូគ្មានដែនកំណត់ (unlimited cloud) នៅក្នុងប្រអប់ Media (Media Tap) ដូចនេះមុខថ្មីនេះគឺបានបន្ថែម របារកាលបរិច្ឆេទ (Date Bar) ក្នុងការស្វែងរកកាន់តែលឿន នៅផ្នែកខាងស្តាំនៅពេលលោកអ្នករំកិល (scroll) ឡើងលើ-ចុះក្រោមដើម្បីស្វែងរករូបភាព ឬវីដេអូ ដែលបានចែករំលែកទៅវិញទៅមក ។ ជាពិសេសនោះដើម្បីទទួលបាន រូបភាពកាន់តែងាយស្រួលមើល និងច្បាស់ លោកអ្នកអាចពង្រីក ឬពង្រួម (zoom in/out) នៅលើប្រអប់ (Media Tap) នោះផងដែរ ។
មុខងារទី២ ៖ Calendar View for Shared Media ៖ ភ្ជាប់ជាមួយគ្នានេះដែរដើម្បី បន្ថែមល្បឿនលឿននៃ ការស្វែងរករូបភាព ឬវីដេអូឱ្យចំថ្ងៃបរិច្ឆេទ (Specific Time) នៅក្នុងប្រអប់ Media (Media Tap) នេះ លោកអ្នកអាចចុចលើរបារ (Date Bar) ដើម្បីបើកប្រតិទិនស្វែងរក សម្រាប់ថ្ងៃនីមួយៗ ។
ដូចបានជម្រាបជូនខាងលើ ការធ្វើបច្ចុប្បន្នភាពថ្មី កម្មវិធី Telegram កាលពីយប់ថ្ងៃទី៣ ខែវិច្ឆិកា ឆ្នាំ២០២១ នេះមានមុខងារថ្មីៗ ជាច្រើនដែលផ្តល់ភាពងាយស្រួល ដល់អ្នកប្រើប្រាស់ លោកអ្នកអាចស្វែងយល់បន្ថែមតាមរយៈ តំណភ្ជាប់ (Link) ខាងក្រោមសម្រាប់យោងព័ត៌មាន នៃការធ្វើបច្ចុប្បន្នភាពនេះ ៖ https://telegram.org/…/shared-media-scrolling-calendar… ៕
![](https://i0.wp.com/champeynews.com/wp-content/uploads/2021/11/252995574_1938796582961641_151002061626814179_n.jpg?resize=696%2C696&ssl=1)