ភ្នំពេញ៖ យុវជនម្នាក់បានរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ រថយន្ត LEXUS បុកជាមួយម៉ូតូបង្កជាអគ្គិភ័យ ឆាបឆេះយ៉ាងសន្ធោរសន្ធៅ ។
ប្រភពបញ្ជាក់ឲ្យដឹងថា កាលពីយប់ថ្ងៃទី៤ ខែវិច្ឆិកា ឆ្នាំ២០២១ មានករណីអគ្គិភ័យឆេះម៉ូតូ មួយគ្រឿងម៉ាកហុងដាពណ៌ខ្មៅ ពាក់ស្លាកលេខសៀមរាប 1AE 0347 អ្នកបើកបរអ្នកបើកបរឈ្មោះ សុខ ភារុន ប្រុស អាយុ ២២ ឆ្នាំ ស្នាក់នៅភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប បានបុកប៉ះជាមួយរថយន្តម៉ាកLEXUS ពណ៌ទឹកមាស ពាក់ស្លាកលេខភ្នំពេញ 2AG 1879 អ្នកបើកបរគេចខ្លួន ក្រោយពេលបុករួចបណ្តាលឲ្យ ឆេះម៉ូតូនៅកន្លែងកើតហេតុ ត្រង់ចំណុចមុខវត្តព្រហ្មចន្ទ័ ផ្លូវជាតិលេខ៦ ចន្លោះគីឡូម៉ែត្រលេខ២៨០-២៨១ ដែលស្ថិតនៅក្នុងភូមិដំដែកថ្មី ឃុំដំដែក ស្រុកសូទ្រនិគម ខេត្តសៀមរាប ។
ក្នុងករណីនេះបណ្តាលឲ្យរងការខូចខាត: (១០០%) មានម៉ូតូ ០១ គ្រឿង រងរបួសមនុស្សចំនួន០១នាក់ធ្ងន់ ។
រថយន្តអគ្គិភ័យបស់អធិការដ្ឋាន នគរបាលស្រុកសូទ្រនិគម មិនបានចេញទៅទេដោយយក ឧបករណ៍បំពង់ពន្លត់ អគ្គិភ័យទៅជួយពន្លត់ ៕