ភ្នំពេញ៖ មនុស្សចំនួន៦នាក់ រងរបួសធ្ងន់ស្រាលករណី បើករថយន្តក្រឡាប់ដោយខ្លួនឯង កាលពីថ្ងៃ ទី៦ ខែវិច្ឆិកា ឆ្នាំ ២០២១ វេលាម៉ោង ១១និង៥០នាទី នៅចំណុចថ្មដំរី ស្ថិតនៅភូមិទឹកល្អក់ ឃុំជីផាត ស្រុកថ្មបាំង ខេត្តកោះកុង។
សមត្ថកិច្ចបានឲ្យដឹងថា រថយន្តដែលក្រឡាប់ម៉ាក Lexus RX 330 ពាក់ស្លាក់លេខ ភ្នំពេញ 2BF 1060 ពណ៍ប្រផេះ បើកបរដោយជនបរទេសមានឈ្មោះ ប៊ែក ស៊ត ភេទ ប្រុស អាយុ ៣៥ ឆ្នាំ ។
សមត្ថកិច្ចបន្តថា អ្នករងរបួសទាំងនោះរួមមានឈ្មោះ ១ .ឈ្មោះ បូរមី ភេទស្រី អាយុ ១៩ ឆ្នាំ, ២.ឈ្មោះ ម៉េង ជឺ ភេទ ស្រី អាយុ ១៩ ឆ្នាំ, ៣.កូនប្រុសជនជាតិបរទេស មិនស្គាល់ឈ្មោះអាយុ៧ ឆ្នាំ, ៤. ជនជាតិចិន ភេទស្រី មិនស្គាល់ឈ្មោះ, ៥. ជនជាតិខ្មែរ ភេទស្រី មិនស្គាល់ឈ្មោះអ្នករងរបួសធ្ងន់ចំនួន ២ នាក់(ស្រី) ។
ក្រោយកើតហេតុសមត្ថកិច្ចបានបញ្ជូនជនរងគ្រោះទៅព្យាបាលនៅមណ្ឌលសុខភាពស្រុកបូទុមសាគរ។មូលហេតុ រថយន្តដាច់ហ្វ្រាំង ពេលចុះចំណោត ចំណែករថយន្តកំពុងរង់ចាំក្រុមហ៊ុនធានារាប់រងមកស្ទូចយកទៅជួសជុស៕
