ខេត្តបាត់ដំបង៖ យុវជនចំនួន៣នាក់ ត្រូវឪពុកក្មេងស្រីរងគ្រោះដាក់ពាក្យបណ្ដឹងឲ្យសមត្ថកិច្ចធ្វើការឃាត់ខ្លួន ពាក់ព័ន្ធករណីរំលោភសេពសន្ថវៈលើកូនស្រីរបស់ខ្លួនកាលពីថ្ងៃទី១៩ ឆ្នាំវិច្ឆិកា ឆ្នាំ២០២១ វេលាម៉ោង២២និង០០នាទី ត្រង់ចំណុចផ្ទះសំណាក់យីហោឌូឌូ ស្ថិតក្នុងភូមិស្តៅ ឃុំស្តៅ ស្រុករតនមណ្ឌល។
ប្រភពពីសមត្ថកិច្ចបានឲ្យដឹងថា ក្រុមយុវជនទាំងនេះត្រូវឃាត់ខ្លួនកាលពីនៅថ្ងៃទី២៣ ខែវិច្ឆិកា ឆ្នាំ២០២១ វេលាម៉ោង២២និង០០នាទី បន្ទាប់ពីទទួលពាក្យបណ្តឹងពីឪពុករបស់ជនរងគ្រោះ កាលពីថ្ងៃទី២២ ខែវិច្ឆិកា ឆ្នាំ២០២១ ប្តឹងពីករណីរំលោភសេពសន្ថវៈលើកូនស្រីខ្លួន។
ជនសង្ស័យទី១-ឈ្មោះ ពៅ សម្បត្តិ ភេទប្រុស អាយុ២១ឆ្នាំ មានទីលំនៅភូមិរស្មីសង្ហា ឃុំរស្មីសង្ហា ស្រុករតនមណ្ឌល។ ទី២-ឈ្មោះ រុណ ឆាយ ភេទប្រុស អាយុ១៧ឆ្នាំ មានទីលំនៅភូមិបាដាក ឃុំរស្មីសង្ហា ស្រុករតនមណ្ឌល។ និងទី៣-ឈ្មោះ សាន់ ហាន់ណាហ្វី ភេទប្រុស អាយុ២០ឆ្នាំ មានទីលំនៅភូមិអូរឃ្មុំ ឃុំរស្មីសង្ហា ស្រុករតនមណ្ឌល។
ក្រោយឃាត់ខ្លួន ជនសង្ស័យទាំង៣នាក់បានឆ្លើយសារភាពថា ខ្លួនពិតជាបានប្រព្រឹត្តិសកម្មភាពរំលោភសេពសន្ថវៈលើក្មេងស្រីខាងលើពិតប្រាកដមែន។ បច្ចុប្បន្នជនសង្ស័យទាំង៣នាក់ត្រូវបានកម្លាំងនគរបាលជំនាញកសាងសំណុំរឿងបញ្ជូនសាលាដំបូងខេត្ត ដើម្បីអនុវត្តបន្តតាមនីតិវិធី៕
