ភ្នំពេញ៖ សមត្ថកិច្ចខេត្តស្ទឹងត្រែងបានធ្វើការបង្ក្រាបករណីដឹកគ្រឿងញៀន តាមទូកមួយគ្រឿង ដកហូតគ្រឿងញៀនបាន១៧០កញ្ចប់។
ការបង្ក្រាបនេះបានធ្វើឡើង ក្នុងពេលដែលឧក្រិដ្ឋជនដឹកជញ្ជូនពីស្រុកខូងខេត្តចំប៉ាសាក់ប្រទេសឡាវមកចំណុចកោះល្ងឃុំព្រះរំកិលស្រុកបុរីអូរស្វាយសែនជ័យខេត្តស្ទឹងត្រែងកាលពីវេលាម៉ោង៧យប់ថ្ងៃទី ២៤ខែវិច្ឆិកាឆ្នាំ២០២១។
ស្នងការនគរបាលខេត្តស្ទឹងត្រែង លោក អូត ស៊ីវុត្ថាបានឱ្យដឹងថា ដោយមានកំណត់មុខសញ្ញា គួរឲ្យសង្ស័យក្នុងគោលដៅសមត្ថកិច្ចការពារល្បាតប្រចាំតំបន់ព្រំដែនផ្លូវទឹកកម្ពុជាឡាវ ពេលនោះសមត្ថកិច្ចក៏បានចុះទៅពិនិត្យទូកមួយគ្រឿងដែលគេសង្ស័យជាបទល្មើស ពេលចុះពិនិត្យបានឃើញវត្ថុតាងគ្រឿងញៀនចំនួន១០បាវស្មើ១៧០កញ្ចប់និងទូកមួយគ្រឿង។រីឯឧក្រិដ្ឋជនជួញដូរគ្រឿងញៀនបានរត់ទៅពេលឃើញសមត្ថកិច្ចចុះទៅដល់។
លោកស្នងការរូបនេះបន្ថែមទៀតថា ក្រោយពីដកហូតគ្រឿងញៀននៅលើទូកមួយគ្រឿងនោះបានដឹកគ្រឿងញៀនទាំងអស់មកកាន់ស្នងការដ្ឋាននគរបាលខេត្តទាំងយប់ដើម្បីធ្វើការពិនិត្យនិងបើកការស៊ើបអង្កេតស្រាវជ្រាវស្វែងរកចាប់ខ្លួនអ្នកពាក់ព័ន្ធករណីជួញដូរគ្រឿងញៀនឆ្លងដែននេះ៕
![](https://i0.wp.com/champeynews.com/wp-content/uploads/2021/11/178-1.jpg?resize=696%2C330&ssl=1)
![](https://i0.wp.com/champeynews.com/wp-content/uploads/2021/11/181.jpg?resize=696%2C928&ssl=1)
![](https://i0.wp.com/champeynews.com/wp-content/uploads/2021/11/182.jpg?resize=696%2C1221&ssl=1)
![](https://i0.wp.com/champeynews.com/wp-content/uploads/2021/11/180.jpg?resize=696%2C1221&ssl=1)
![](https://i0.wp.com/champeynews.com/wp-content/uploads/2021/11/179.jpg?resize=696%2C928&ssl=1)