ភ្នំពេញ៖ អាជ្ញាធរទន្លេសាប កាលពីពេលថ្មីៗនេះតាមរយៈហ្វេសប៊ុក បានបញ្ជាក់ថា អ្នកជំនាញបានប្រទះឃើញវត្តមានសត្វអន្សងដ៏កម្រមួយក្បាលនៅបឹងទន្លេសាប ។
លោក សាស្ត្រាចារ្យ លឹម ពុយ អនុប្រធាន អាជ្ញាធរទន្លេសាប បានទទួលព័ត៌មានពីភ្នាក់ងារ អាជ្ញាធរទន្លេសាប នៅតំបន់ពាក់កន្ទេល ក្នុងបឹងទន្លេសាប អន្សងប្រភេទនេះ មានឈ្មោះវិទ្យាសាស្ត្រ Varanus salvator ត្រូវបានចាត់ចូលក្នុងបញ្ជីឧបសម្ព័ន្ធ II របស់អនុសញ្ញា CITES ។
ប្រភពបញ្ជាក់ថា អន្សងវ័យជំទង់នេះ មានប្រវែង 80 សម និងទម្ងន់ ១,១ គីឡូក្រាម ហើយ វត្តមានសត្វអន្សងនេះ ជាសញ្ញាវិជ្ជមាន ក្នុងការអភិរក្សបឹងទន្លេសាប៕
