កំពង់ចាម៖ បន្ទាប់ពីទទួលបានសេចក្តីរាយការណ៍ពីប្រជាពលរដ្ឋ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់តាំងកម្លាំងជំនាញចុះបង្ក្រាបករណី បើកនិងលេងល្បែងស៊ីសងខុសច្បាប់ (ជល់មាន់) នៅចំណុចក្នុងចំការស្វាយចន្ទី ស្ថិតនៅភូមិច្រណោម ឃុំបុសខ្នុរ ស្រុកចំការលើ ខេត្តកំពង់ចាម ។
ក្នុងប្រតិបត្តិការនៅថ្ងៃទី៥ ខែមករា ឆ្នាំ២០២២ វេលាម៉ោង១២ និង០០នាទី កម្លាំងបានចាប់ឃាត់ខ្លួនមនុស្សចំនួន៤នាក់ និងដកហូតម៉ូតូ៤គ្រឿង និងសម្ភារៈមួយចំនួនទៀត ។
ករណីនេះ កម្លាំងបានបញ្ជូនទាំងមនុស្សនិងវត្ថុតាងទៅកាន់ស្នងការដ្ឋាននគរបាលខេត្តកំពង់ចាម ដើម្បីកសាងសំណុំរឿងតាមនីតិវិធី៕