ខឹងឪចុងវាយធ្វើបាបម្ដាយរាល់ថ្ងៃ កូនប្រុសទ្រាំមិនបាន ទាញកាំបិតកាប់ឪចុងសម្លាប់

0
4

កំពង់ស្ពឺ៖ កម្លាំងនគរបាលស្រុកឱរ៉ាល់ សហការជាមួយកម្លាំងប៉ុស្តិ៍ បានឃាត់ខ្លួនជនសង្ស័យម្នាក់ ពាក់ព័ន្ធករណីឃាតកម្មដោយចេតនាលើឪពុកចុង របស់ខ្លួនកាលពីថ្ងៃទី១០ ខែមករា ឆ្នាំ២០២២។

អធិការនគរបាលស្រុកឱរ៉ាល់ បានឲ្យដឹងថាជនសង្ស័យ ត្រូវបានកម្លាំងស្រាវជ្រាវ និងឃាត់ខ្លួនៅថ្ងៃទី១២ ខែមករា ឆ្នាំ២០២២ បន្ទាប់ពីកំណត់មុខសញ្ញា និងបើកប្រតិបត្តិការស្រាវជ្រាវអស់រយ:ពេល២៦ម៉ោង នៅភូមិស្រែកិន ឃុំត្រពាំជោរ ស្រុកឱរ៉ាល់ ខេត្តកំពង់ស្ពឺ។

អធិការនគរបាលស្រុក បានបញ្ជាក់ថា ជនសង្ស័យឈ្មោះ ផ្លេង កម្សត់ ភេទប្រុស អាយុ១៨ឆ្នាំ បានកាប់ទៅលើឪចុងឈ្មោះស្រី វ៉ាត ហៅ ឆូវ អាយុ៤៤ឆ្នាំ ដោយកាំបិតផ្គាក់ចំកញ្ចឹង”ក”ស្លាប់ភ្លាម នៅកន្លែងកើតហេតុយប់ថ្ងៃទី១០ ខែមករា។

មូលហេតុដែលឈានដល់ការកាប់សម្លាប់បែបនេះ យោងតាមចម្លើយសារភាពជនសង្ស័យ ដោយសារខឹងឪចុង វាយធ្វើបាបម្ដាយរាល់ថ្ងៃនិងចេះធ្វើអំពើអាបធ្មប់៕

 

LEAVE A REPLY

Please enter your comment!
Please enter your name here