កំពង់ស្ពឺ៖ មានករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្តាលឲ្យបុរសមា្នក់ស្លាប់ និងនារីម្នាក់រងរបួល។ កណីនេះបានកើតឡើងនៅថ្ងៃទី២២ ខែមករា ឆ្នាំ២០២២ វេលាម៉ោង៩និង១០នាទីព្រឹក នៅលើផ្លូវជាតិលេខ៤ ចន្លោះគីឡូម៉ែត្រលេខ៨២-៨៣ ត្រង់ចំណុចភូមិទី១ ឃុំត្រែងត្រយឹង ស្រុកភ្នំស្រួច ។
តាមការបញ្ជាក់ពីសមត្ថកិច្ចបានឲ្យដឹងថា មុនពេលកើតហេតុ មានរថយន្ត១គ្រឿង ម៉ាកនីសាន់ ពណ៌ស ពាក់ស្លាកលេខចង្កូតស្តាំ BB-0324 អ្នកបើកបរមិនស្គាល់អត្តសញ្ញាណ(ចុះរត់គេច) បើកបរពីទិសខាងលិចទៅទិសខាងទិសកើត លុះដល់ចំណុចខាងលើបានបុកម៉ូតូ ១គ្រឿង ម៉ាកហុងដាC125 បើកបរដោយឈ្មោះ រឿន សារ៉ាន់ ភេទប្រុស អាយុ ២០ឆ្នាំ នៅភូមិក្រាំងច្រេស ឃុំគីរីវ័ន្ត និងអ្នករួមដំណើរឈ្មោះ ឡាង សីលា ភេទស្រី អាយុ ១៨ឆ្នាំ នៅភូមិអូរកូនត្រុំ ឃុំត្រែងត្រយឹង ស្រុកភ្នំស្រួច ដែលកំពុងធ្វើដំណើរស្របទិសគ្នា បណ្តាលឲ្យឈ្មោះ រឿន សារ៉ាន់ ស្លាប់នៅកន្លែងកើតហេតុ និងឈ្មោះ ឡាង សីលា ភេទស្រី រងរបួស ត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យ។
បច្ចុប្បន្នសាកសពត្រូវបានប្រគល់ជូនក្រុមគ្រួសារធ្វើបុណ្យបានប្រពៃណី៕