បាត់ដំបង៖ មានករណីគ្រោះថ្នាក់ចរាចរណ៍មួយកើតឡើង រវាងរថយន្ដនឹងម៉ូតូ បណ្តាលឲ្យមនុស្សចំនួន២នាក់ស្លាប់បាត់បង់ជីវិត នៅកន្លែងកើតហេតុ។ ករណីនេះបានកើតឡើងនៅថ្ងៃទី២៣ ខែមករា ឆ្នាំ២0២២ នៅវេលាម៉ោង១៦ នឹង០៥នាទី ត្រង់ចំណុចមុខផ្សាស្រុកសំពៅលូន ស្ថិតនៅភូមិអូរស្ងាត់ ឃុំសន្ដិភាព ស្រុកសំពៅលូន ខេត្ដបាត់ដំបង លើផ្លូវជាតិលេខ ៥៧ B។
លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅលូន បានឲ្យដឹងថា គ្រោះថ្នាក់ចរាចរណ៍ នេះបង្កឡើងដោយរថយន្តថៃសណ្ដោងរីម៉កម៉ាកស្គែននា ពណ៌ស ពាក់ស្លាកលេខ 70-9203 ស្លាកលេខសណ្ដោង 70-9204 អ្នកបើកបរ មិនស្គាល់អត្ដសញ្ញណបានរត់គេចខ្លួនបាត់ បានបុកនឹងម៉ូតូម៉ាកស៊ុយសុគី ពណ៌ស អត់ស្លាកលេខ ដែលបើកបរដោយឈ្មោះ ផន ធារ៉ា ភេទប្រុស អាយុ២0ឆ្នាំ មានទីលំនៅ ភូមិត្រពាំងព្រលិត ឃុំសន្ដិភាព ស្រុកសំពៅលូន ខេត្ដបាត់បង (ស្លាប់នៅនឹងកន្លែងកើតហេតុ) នឹងអ្នករួមដំណើរ១នាក់ ទៀតឈ្មោះ ពេជ្រ សុខុម ភេទប្រុស អាយុ១៩ឆ្នាំ មានទីលំនៅ ភូមិតាស្ដា ឃុំតាស្ដា ស្រុកសំពៅលូ ខេត្ដបាត់ដំបង (ស្លាប់នៅនឹងកន្លែងកើតហេតុ)។
ក្រោយពីធ្វើការត្រួតពិនិត្យ និងវាស់វែងរួចរាល់កម្លាំងជំនាញចរាចរណ៍ស្រុកសហការជាមួយកម្លាំងនគរបាលជំនាញចរាចរណ៍ខេត្ត ឃើញថាគ្រោះថ្នាក់ខាងលើនេះ បណ្តាលមកពីអ្នកបើកបរម៉ូតូឡើងវ៉ា ( ជែង ) នឹងរថយន្ដថៃក្នុងដំណើរស្របទីសគ្នាហើយវេចង្កូតដួលហើយខ្ទាតទៅចូលនឹងរថយន្ដថៃដែលធ្វើដំណើរព្ច្រាស់ទិសគ្នា។
ករណីនេះ សមត្ថកិច្ចបានប្រគល់សាកសពជនរងគ្រោះអោយក្រុមគ្រួសារ យកទៅធ្វើបុណ្យតាមប្រពៃណី ចំណែកធ្យោបាយបង្កទាំងពីរកម្លាំងជំនាញ យកទៅរក្សាទុកនៅការិយាល័យចរាចរណ៍ខេត្តរង់ចាំចំណាត់ការតាមផ្លូវច្បាប់៕