ភ្នំពេញ៖ រថយន្តរបស់ក្រុមហ៊ុន TELA ម៉ាក INTERNATIONAL ពណ៌ ស-លឿង-បៃតង ពាក់ផ្លាកលេខភ្នំពេញ3B-6776 សណ្តោងសឺមីរ៉ឺម៉ក ស៊ីទែនសាំងTELA ពាក់ផ្លាកលេខភ្នំពេញ 4A-4644 បើកបរក្នុងទិសដៅពីជើងទៅត្បូងលុះមកដល់ចំណុចខាងលើបានបើកគេចម៉ូតូ ១គ្រឿង ម៉ាក HONDA DREAM C125 ពណ៌ខ្មៅ (មិនចាំផ្លាកលេខ) បើកបរក្នុងទិសដៅបញ្ច្រាសទិសគ្នា បានចាក់គួរេពេញផ្លូវ ពីមុខរថយន្ត ហើយរថយន្តនោះក៏បានគេចជ្រុលចូលទៅបុកសំយ៉ាបផ្ទះតែម្ដង ។
ករណីខាងលើនេះបានកើតឡើងនៅថ្ងៃទី៣ ខែតុលា ឆ្នាំ២០២២ វេលាម៉ោង១៦ និង៥០នាទី នៅលើផ្លូវជាតិលេខ៥១ ចន្លោះគីឡូម៉ែត្រ២៥-២៦ ត្រង់ចំណុចភូមិស្តុកស្លាត ឃុំភ្នំតូច ស្រុកឧដុង្គ ខេត្តកំពង់ស្ពឺ។
យោងតាមអគ្គស្នងការនគរបាលជាតិបានឲ្យដឹងថា ក្នុងហេតុការណ៍ខាងលើនេះ ពុំបានបង្កគ្រោះថ្នាក់ ដល់អាយុជីវិត ប្រជាពលរដ្ឋជាម្ចាស់ផ្ទះខាងលើទេ ចំណេករថយន្តទាញចេញនិងបានដោះស្រាយគ្នា៕
![](https://i0.wp.com/champeynews.com/wp-content/uploads/2022/10/17.jpg?resize=696%2C361&ssl=1)
![](https://i0.wp.com/champeynews.com/wp-content/uploads/2022/10/18.jpg?resize=696%2C368&ssl=1)
![](https://i0.wp.com/champeynews.com/wp-content/uploads/2022/10/19.jpg?resize=696%2C364&ssl=1)
![](https://i0.wp.com/champeynews.com/wp-content/uploads/2022/10/20.jpg?resize=696%2C376&ssl=1)