ភ្នំពេញ៖ កាលពីវេលាម៉ោងប្រមាណ ៩យប់ ថ្ងៃទី២ ខែមករា ឆ្នាំ២០២០ មានហេតុការណ៍រថយន្តមួយគ្រឿងបានបើកបុក ម៉ូតូហើយអូសបែកផ្កាភ្លើងពេញថ្នល់នៅចំនុចស្តុបផ្សារដេប៉ូ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។
ក្នុងហេតុការណ៍នេះបង្កឡើងដោយរថយន្តមួយគ្រឿងម៉ាក MAZDA BT50 ពណ៌ស ពាក់ស្លាកលេខ ភ្នំពេញ 2AT-8318 បើកបរដោយបុរសជនជាតិចិនម្នាក់ និងមានអ្នករួមដំណើរ៣នាក់ទៀត បានធ្វើដំណើរចេញពីម្ដុំផ្សារទំនើបសូរិយា បានប៉ះជាមួយម៉ូតូមួយគ្រឿង ម៉ាក HONDA DREAM 2008 មួយគ្រឿងបណ្ដាលឲ្យមានអ្នករងរបួស។ ក្រោយកើតហេតុ រថយន្តបង្កព្យាយាមបើករត់គេចរហូតបុកជាមួយម៉ូតូ មួយគ្រឿងទៀតនឹងបានគៀបជាប់ក្រោមរថយន្តអូសជាង ៥០០ម៉ែត្រ បែកផ្កាភ្លើងពេញផ្លូវ។
ក្រោយកើតហេតុសមត្ថកិច្ចបានឃាត់ខ្លួនអ្នកបើកបររថយន្ត ជនជាតិចិន នឹងបានបញ្ជូនទៅកាន់ប៉ុស្តិ៍ដើម្បីធ្វើការដោះស្រាយ៕
