អ្នកស្លាប់បានប្រាក់ឧបត្ថម្ភ​ ៥ម៉ឺនដុល្លារ នឹងអ្នករបួសបាន ១ម៉ឺនដុល្លារ

0
157

កែប​៖ ក្រោយ​ហេតុការណ៍​បាក់​រលំ​អគារ​នៅ​ខេត្ត​កែប​កាលពី ថ្ងៃ​៣ ខែមករា ឆ្នាំ​២០១៩​ម្សិលមិញ ធ្វើ​អោយ​មាន​អ្នក​របួស និង​ស្លាប់ ផង​នោះ​។ ហើយ​នៅ​ពេល​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ប្រកាស​ឧបត្ថម្ភ​នៅ​ថវិកា ដល់​ជន​រង​គ្រោះ​ដែល​ស្លាប់ ចំនួន ៥​ម៉ឺន​ដុល្លារ ក្នុង​ម្នាក់​ៗ និង​អ្នក​របួស ម្នាក់ ១​ម៉ឺន​ដុល្លារ​។

ក្នុង​នោះ​សម្តេច​តេ​ជោ បាន​បញ្ជាក់​នៅ​ព្រឹក​ថ្ងៃ​ទី​៤ ខែមករា ឆ្នាំ​២០១៩​នេះ​ថា “​ដើម្បី​សម្រាល​នៅ​ការ​លំបាក​សម្រាប់​ជន​រង​គ្រោះ ទាំង​អ្នក​របួស និង​គ្រួសារ​អ្នក​ដែល​បាន​ស្លាប់ ខ្ញុំ​សម្រេច​ជួយ​ឧបត្ថម្ភ​អ្នក​របួស​ក្នុង​ម្នាក់ ៤០​លាន​រៀល ស្មើនឹង​១​ម៉ឺន​ដុល្លារ ១០០០០​ដុល្លារ​។ សម្រាប់​អ្នក​ស្លាប់​សាកសព​មួយ​ថវិកា​ចំនួន ២០០​លាន​រៀល​ស្មើនឹង ៥​ម៉ឺន​ដុល្លារ និង​បន្ថែម ១០​លាន​រៀល​សម្រាប់​បុណ្យសព​និ​មួយ​ៗ​។ ថវិការដ្ឋ និង​ថវិកា​សប្បុរសជន​ត្រូវ​បាន​ប្រើប្រាស់​សម្រាប់​ការងារ​នេះ​។ ជំនួយការ​ខ្ញុំ​លោក សេង ទៀង នឹង​យក​ថវិកា​ទៅ​ដល់​ផ្ទះ​នៃ​គ្រួសារ​សព​”៕

LEAVE A REPLY

Please enter your comment!
Please enter your name here