រដ្ឋបាលខណ្ឌប្ញស្សីកែវ ចុះត្រួតពិនិត្យទីតាំងខារ៉ាអូខេ ៨ កន្លែង ទាំងយប់

0
5

ភ្នំពេញ៖ យោងតាមសេចក្តីណែនាំរបស់ក្រសួងសុខាភិបាល លេខ ២២៣ សខល ចុះថ្ងៃទី៨ ខែវិច្ឆិកា ឆ្នាំ២០២០ ស្តីពីការបិទ KTV ក្លឹបកំសាន្ត រោងភាពយន្ត និងសារមន្ទីរ នៅទូទាំងប្រទេស ក្នុងស្ថានភាពជំងឺកូវីដ-១៩ កំពុងរីករាលដាលជាសកល នាយប់ថ្ងៃអង្គារ ១០រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែវិច្ឆិកា ឆ្នាំ២០២០ រដ្ឋបាលខណ្ឌប្ញស្សីកែវ ដឹកនាំដោយលោកស្រី សួស សូលីដា អភិបាលរងខណ្ឌដោយមានការចូលរួមពីលោកនាយករងរដ្ឋបាលខណ្ឌ ប្រធាន អនុប្រធាន មន្រ្តីរាជការ ការិយាល័យចំណុះរចនាសម្ព័ន្ធរដ្ឋបាលខណ្ឌ ​​ កម្លាំងសណ្តាប់ធ្នាប់ខណ្ឌ និងប្រជាការពារសង្កាត់ បានចុះទៅត្រួតពិនិត្យទីតាំងខារ៉ាអូខេ(KTV) ចំនួន ០៨ កន្លែង ស្ថិតនៅក្នុងសង្កាត់ស្វាយប៉ាក សង្កាត់គីឡូម៉ែត្រលេខ៦ និងសង្កាត់ប្ញស្សីកែវ ខណ្ឌប្ញស្សីកែវ ​​        រាជធានីភ្នំពេញ។

ជាលទ្ធផល ទីតាំងខារ៉ាអូខេ(KTV) ចំនួន ៨កន្លែងនោះ បានបើកដំណើរការជាធម្មតា                          ដែលមានលក្ខណៈជាភោជនីយដ្ឋាន។

ឆ្លៀតក្នុងឱកាសនោះដែរ រដ្ឋបាលខណ្ឌប្ញស្សីកែវ បានណែនាំដល់ម្ចាស់ទីតាំងអាជីវកម្មខារ៉ាអូខេ(KTV) ដែលប្រែក្លាយទៅជាភោជនីយដ្ឋានត្រូវអនុវត្តអោយបានខ្ជាប់ខ្ជួន តាមការណែនាំរបស់ក្រសួងសុខាភិបាល ហើយម្ចាស់ទីតាំងអាជីវកម្មទាំងអស់នោះបានសន្យាជាមួយរដ្ឋបាលខណ្ឌប្ញស្សីកែវថា នឹងអនុវត្តអោយបានត្រឹមត្រូវ ​​      តាមការណែនាំរបស់អាជ្ញាធរ៕

LEAVE A REPLY

Please enter your comment!
Please enter your name here