ហ្វេសប៊ុក៖ ក្រោយស្ពានអាកាសថ្មើរជើងឆ្លងកាត់ផ្លូវជាតិលេខ ៤ ក្នុងខេត្តកំពង់ស្ពឺ ដែលបានចំណាយពេលអស់ជាង ៦ខែ ធ្វើការសាងសង់ជាមួយទឹកប្រាក់ដែលចំណាយប្រមាណ ៣៤ម៉ឺនដុល្លារនោះ។ ត្រូវបានមហាជនមានការរិះគន់យ៉ាងខ្លាំង ពីព្រោះទំហំទឹកប្រាក់ដែលចំណាយហាក់ខ្ពស់ខុសធម្មតា។
ស្រាប់តែពេលថ្មីៗមានគណនីហ្វេសប៊ុកមួយដែលមានឈ្មោះ Pich Vongvorleakraksa មានបំណងចង់ហៅលោកចៅហ្វាយខេត្តកំពង់ស្ពឺ វី សំណាង មកធ្វើការស្បថអោយឡានបុក បើស្ពាននោះធ្វើអស់ ៤០ម៉ឺនមែន។ ដោយក្នុងនោះគណនីខាងលើបានសរសេរថា “ខ្ញុំបានមកមើលឃើញផ្ទាល់ភ្នែកហើយនូវស្ពានថ្មើជើង តម្លៃ៤០ម៉ឺនដុល្លារ ក្នុងក្រុមច្បារមន ខេត្តកំពង់ស្ពឺ។ ការពិតតម្លៃ៤០ម៉ឺនដុល្លារនេះធ្វើមិនទាន់រួចរាល់ផង នៅសរសរស្ពាន ជើងស្ពាន តួស្ពានទាំងមូលមិនទាន់លាបថ្នាំ បើលាបថ្នាំរួចរាល់ស្ពាននេះចំណាយខ្ទងលានដុល្លារឯណោះ។ (មើលហើយពិចារណាខ្លួនឯងទៅបងប្អូន)។ ចង់បបួលចៅហ្វាយខេត្តលោក វី សំណាង ស្បថអោយឡានបុកបើអស់៤០ម៉ឺនមែន”៕
