មន្ទីរពេទ្យធំទៀតណា!! សម្រាលកូនស្លាប់ហើយ ចុងក្រោយ​ឌុ​ក​ទ័​រឆ្លើយយ៉ាងខ្លីថា “វា​ជា​រឿង​ចៃដន្យ”

0
156

ហ្វេ​ស​ប៊ុ​ក​៖ នេះ​បើ​យោង​តាម​គណនី​ហ្វេ​ស​ប៊ុ​កមួយ​ដែល​មាន ឈ្មោះ Sunneng Neat បាន​បង្ហោះ​នៅ​ក្នុង​បណ្តាញ​សង្គម​ថា “​ខ្ញុំបាទ​ឈ្មោះ នា​ត ស៊ុន​ណេ​ង ត្រូវជា​ស្វាមី លោកស្រី
ខេ​ង សុវណ្ណ​រី ដែល​ជា​ម្តាយ​របស់​កូនស្រី​ដ៏​កម្សត់​របស់ខ្ញុំ ។
ខ្ញុំ​ពិតជា​មាន​អារម្មណ៍​ក្តុកក្តួល​សោកស្តាយ​យ៉ាង​ក្រៃ​លែង 😭😔😭😭​និង​សូម​ចែករំលែក​ជា​បទ​ពិសោធន៍​ពី​ការ​ខ្វះ​ការ​ទទួលខុសត្រូវ​របស់​វេជ្ជបណ្ឌិត​នៅ​ផ្នែក​សម្ភព​កាល់​ម៉ែត្រ ដែល​បាន​ទុក​ឲ្យ​កូនស្រី​ខ្ញុំ​ស្លាប់​ដោយ​គ្មាន​ការ​ជួ​យស​ង្រោះ​ពី​ក្រុម​វេជ្ជបណ្ឌិត​វេន​ប្រចាំការ និង​សូម​ឲ្យ​ថ្នាក់ដឹកនាំ ក៏​ដូច​ជា​គណ:​គ្រប់គ្រង ពិនិត្យ​ឡើង​វិញ​នៅ​ផ្នែក​សម្ភព​កាល់​ម៉ែត្រ​។

កាលពី​ល្ងាច​ថ្ងៃ​ទី​០៦ មក​រា ឆ្នាំ ២០២០ ភរិយា​របស់ខ្ញុំ​បាន​ចូល​សម្រាលកូន​នៅ​សម្ភព​ពេទ្យ​កាល់​ម៉ែត្រ នៅ​អគារ​សម្ភព តេ​ជោ​សន្តិភាព ដោយ​បាន​មក​តាមដាន​នៅ​សម្ភព​កាល់​ម៉ែត្រ​រាល់​ខែ តាម​របាយការណ៍​វិភាគ​ពី​វេជ្ជបណ្ឌិត​សម្ភព បាន​បង្ហាញ​ថា​ល័​ក្ខ​ខណ្ឌ​ទារក​មាន​ភាពល្អ​ប្រសើរ គឺ​អាច​កើត​តាម​ធម្មជាតិ​បាន ។

ចូល​មក​ដល់​យប់​ថ្ងៃ​ដ៏​ដែរ ឈាន​ចូល​ព្រឹក​ថ្ងៃ​ទី​០៧ មក​រា ឆ្នាំ​២០២០ ភរិយា​ខ្ញុំ​បាន​ចាប់ផ្តើម​ឈឺពោះ​នៅ​ម៉ោងជាង 2:00am និង​បាន​រុញ​ចូល​បន្ទប់​ត្រៀម​សម្រាល តែ​ពេល​ភរិយា​ឈឺពោះ​ខ្លាំង​ស្បូន​ក៏​បើក​4​កាំ ប្រពន្ធ​ខ្ញុំ​គាត់​ឈឺ​ខ្លាំង យើង​ក៏​បាន​ស្នើ​សុំ និង​ទទូច​រៀបចំ​ឯកសា​សារ​វះកាត់​ព្រោះ​មិន​អាច​ទ្រាំ​ទៀត​បាន តែ​ឆ្មប​នៅ​តែ​និយាយ​ថា​អាច​កើត​តាម​ធម្មជាតិ​បាន គាត់​នៅ​តែ​ឲ្យ​ទ្រាំ តែ​ក្នុង​យប់​នោះ​មិន​មាន​ស្រមោល​ឌុ​ក​ទ័​រ​ផ្នែក​សម្ភព​នៅ​វេន​ប្រចាំការ​នោះ​ទេ ។ រហូត​ជិត​ភ្លឺ​បាន​ឈឺពោះ​ខ្លាំង​មែនទែន ក៏​ក្រុម​ពេទ្យឆ្មប 2 3​នាក់ រុញ​ភរិយា​ខ្ញុំ​ចូល​បន្ទប់​សម្រាល តែ​គាត់​នៅ​តែ​មិន​ទាន់​អាច​កើត​បាន ខ្ញុំ​បាន​ទទូច​ស្នើ​ឲ្យ​វេជ្ជបណ្ឌិត​សម្ភព​វេន​ប្រចាំការ ឬ​ឌុ​ក​ទ័​រ​ផ្សេង​មក​ជួយ​អន្តរា​គម​ន៏ ហើយ​ក្រុម​ឆ្មប​បាន​ទាក់ទង​ទៅ​វេជ្ជបណ្ឌិត​ប្រចាំការ​ជា​ច្រើន​ដង តែ​គាត់​ឆ្លើយ​ថា​គាត់​រវល់​មិន​អាចម​កបាន ។ វេន​គាត់​ប្រចាំការ​តែ​មិនឃើញ​ស្រមោល​របស់​គាត់​មក​ប្រចាំការ​នៅ​កន្លែង​សម្ភព មិនដឹង​គាត់​រវល់​ទៅ​ណា កូន​របស់ខ្ញុំ​បាន​សន្លប់​ពេល​កំពុង​កើត​ដោយ​មិន​មាន​វិធានការ និង​ប្រើប្រាស់​ឧបករណ៍​ឲ្យ​បាន​គ្រប់គ្រាន់ ខណ:​ពេល​ដែល​សមត្ថភាព​មាន​ត្រឹម​ពេទ្យឆ្មប (​ឬ​ពេទ្យ​មធ្យម​ធម្មតា​)​។

ការ​ឆ្លើយ​បំភ្លឺ​របស់​ប្រធាន​សម្ភព​ឆ្លើយ​ថា យប់​នោះ​វេជ្ជបណ្ឌិត​ប្រចាំការ និង​ឌុ​ក​ទ័​រ​3 នាក់​ទៀត​ជាប់រវល់​វះកាត់​អ្នក​សម្រាល​មក​តាម​ខេត្ត និង​មក​ពី​គ្លីនិក​ឯកជន ទើប​មិន​អាច​មក​ជួយ​អន្តរា​គម​ន៏​បាន ហើយ​អ្វី​ដែរ​ខ្ញុំ​មិន​អាច​ទទួលយក​បាន គឺ​គាត់​និយាយ​ថា​វា​ជា​រឿង​ចៃដន្យ និង​មាន​តែ​ពាក្យ​ចូលរួម​សោកស្តាយ ។
បើ​ទោះ​ត្រូវ​វះកាត់​នៅ​ម៉ោង​ដូច​គ្នា​ឬ​ខុស​គ្នា​ក្តី តើ​វេជ្ជបណ្ឌិត​ផ្នែក​សម្ភព ឬ​ផ្នែក​វះកាត់​នៅ​កាល់​ម៉ែត្រ​មាន​តែ 4 នាក់​ហ្នឹង​ទេ​ឬ ?​?​? ។
គ្រួសារ​ខ្ញុំ​ខំ​ផ្ញើរ​ទំនុកចិត្ត​លើ​មន្ទីរពេទ្យ​សម្ភព​កាល់​ម៉ែត្រ​ទើប​មក​ផ្ញើរ​ជីវិត​ប្រពន្ធ​និង​កូន តែ​ជា​លទ្ធ​វេជ្ជបណ្ឌិត​ផ្នែក​សម្ភព​បែរជា​មិន​មានការ​ទទួលខុសត្រូវ​។ ទុក​ឲ្យ​ប្រពន្ធ​ខ្ញុំ​ឆ្លងទន្លេរ​ជាមួយ​តែ​ក្រុម​ឆ្មប 3 4​នាក់ ដែល​លទ្ធផល​អាច​ស្លាប់​ទាំង​ម្តាយ​និង​កូន ។ តែ​ជា​លទ្ធផល​ជាក់ស្តែង​ភរិយា​ខ្ញុំ​បាន​ឆ្លងទន្លេរ​ផុត តែ​កូន​ដ៏​កម្សត់​របស់ខ្ញុំ​ត្រូវ​សន្លប់ 😭😭😰😢💐​មិនដឹង​ខ្លួន​ពេល​យក​ចេញពី​បន្ទប់​សម្រាល និង​លាចាក​លោក​នៅ​យប់​ថ្ងៃ​ទី​07 វេលា​ម៉ោង 11:30pm ជិត​ឈាន​ចូល​ព្រឹក​ថ្ងៃ​ទី​08 មក​រា ទាំង​ដែរ​មិន​ទាន់​បានឃើញ​ពន្លឺព្រះអាទិត្យ​ផង​។

ខ្ញុំ​មិន​មានការ​ទាមទារ ឬ​ប្តឹង​អ្វី​នោះ​ទេ ហើយ​ខ្ញុំ​ពិតជា​ឈឺចាប់​ណាស់ មិនដឹង​ថា​វា​ជា​ថ្ងៃ​សន្តិភាព ឬ​ជា​ថ្ងៃ​ដែល​បាត់បង់​កូន​ជាទី​ស្រលាញ់​របស់ខ្ញុំ​នោះ​ទេ ទោះបីជា​យ៉ាងណា ខ្ញុំ​គ្រាន់តែ​ចែករំលែក​ជា​បទ​ពិសោធ​ន៏ និង​ស្នើ​សូម​ឲ្យ​ថ្នាក់​ដឹង​នាំ​វិស័យ​សុខាភិបាល​នៅ​មន្ទី​ពេទ្យ​កាល់​ម៉ែត្រ​ក៏​ដូច​ជា​រដ្ឋាភិបាល ជួយ​ពិនិត្យ​ប្រព័ន្ធ​គ្រប់គ្រង​ផ្នែក​សម្ភព​បន្ថែម ដើម្បី​កែតម្រូវ​ឡើង​វិញ កុំឲ្យ​អ្នក​សម្រាល​ក្រោយ​ៗ​ជួប​រឿង​ដូច​ខ្ញុំ​ព្រោះ​ជិ​វិត​មនុស្ស​ទាំង​ម្តាយ​និង​កូន មិនមែន​ជីវិត​កូន​ជ្រុ​ក​ទេ​”៕

LEAVE A REPLY

Please enter your comment!
Please enter your name here