ឃាត់ខ្លួន​ក្មេង​ទំនើង ៦​នាក់​ក្រោយ​យក​ដុំ​ថ្ម​គប់​ចូល​ហាង​លក់​គ្រឿង​សមុទ្រ

0
199

ភ្នំពេញ ៖ កម្លាំង​នគរបាល​ខណ្ឌ​បឹង​កេងកង បាន​ឃាត់ខ្លួន ក្មេង​ទំនើង​៦​នាក់ បាន​យក​ដុំ​ថ្ម​គប់​ចូល​ហាង​លក់​គ្រឿង​សមុទ្រ​មួយ​កន្លែង ដែល​មាន​យីហោ បង​ម៉ា​ប់​អយ​ស្ទ័​រ ដោយ សារ​ខឹង​បុគ្គលិក​ហាង​ខាងលើ​ជេរ​មក​លើ​ពួក​ខ្លួន នៅ​ចំណុច​ផ្ទះ​លេខ​១៦ ផ្លូវ​២៨៨ សង្កាត​ត់​បឹង​កេងកង​ទី​២ ខណ្ឌ​បឹង​កេងកង រាជធានី​ភ្នំពេញ កាលពី​ថ្ងៃ​ទី​១៨ ខែមករា ឆ្នាំ​២០២០ វេលា​ម៉ោង​២៣​និង​៤០​នាទី ។

ក្មេង​ទំនើង​ទាំងនោះ​រួម​មាន ៖
១.​ឈ្មោះ ប៊ុ​ន រិ​ទ្ធ​ឧត្ដម ភេទ​ប្រុស អាយុ​១៦​ឆ្នាំ
២.​ឈ្មោះ កាំ​ង ប៉េង​ឡុ​ង ភេទ​ប្រុស អាយុ​១៧​ឆ្នាំ
៣.​ឈ្មោះ យឿ​ង ចាន់​វិ​រ​: ភេទ​ប្រុស អាយុ​១៧​ឆ្នាំ
៤.​ឈ្មោះ ហុ​ន វិ​ន ភេទ​ប្រុស អាយុ ១៧​ឆ្នាំ
៥.​ឈ្មោះ ចាន់ សុខ​ចេ​ង ភេទ​ប្រុស អាយុ ១៧​ឆ្នាំ
៦.​ឈ្មោះ សយ សិ​ន្ទិ ភេទ​ប្រុស អាយុ​១៦​ឆ្នាំ

ជន​រង​គ្រោះ​ឈ្មោះ កា​នុ​ន វិ​ច្ឆ័​យ ភេទ​ប្រុស អាយុ ៣២​ឆ្នាំ ជនជាតិ​ខ្មែរ ស្នាក់​នៅផ្ទះ​លេខ​៩១ ផ្លូវ​២៨០ កែង​ផ្លូវ​១៣៣ ភូមិ​៦ សង្កាត់​បឹង​កេងកង​ទី​២ ខណ្ឌ​បឹង​កេងកង . មុខរបរ​លក់ដូរ ។

វត្ថុ​តាង​ចាប់​យក ៖ ម៉ូតូ​ចំនួន​៣​គ្រឿង មួយ​គ្រឿង​ម៉ាក​ហុងដា​ស្ដុ​ប​ពី ពណ៌​ខ្មៅ ឆ្នាំ​២០១៨ ផ្លា​ក​លេខ​ភ្នំពេញ 1GQ -2967, ម៉ូតូ​ម៉ាក់​ហុងដា​ប៊ីត (BEAT) ពណ៌​ខៀវ​លា​យស សេរី​២០១៨ ផ្លា​ក​លេខ​ភ្នំពេញ 1GU-8238, ម៉ូតូ​ម៉ាក​ហុងដា​ប៊ីត (BEAT) ពណ៌​ក្រហម ឆ្នាំ​២០១៩ ផ្លា​ក​លេខ 1HQ-3506 និង​ដុំ​ថ្ម​ចំនួន​០៥​ដុំ​។

បច្ចុប្បន្ន ជនសង្ស័យ​ទាំង​៦​នាក់ រួម​និង​វត្ថុ​តាង ត្រូវ​បាន​បញ្ជូន​មក​អធិការដ្ឋាន នគរបាល ខណ្ឌ​បឹង​កេងកង ដើម្បី​ចាត់ការ​បន្ដ​៕

ប្រភព៖ អគ្គស្នងការនគរបាលជាតិ

LEAVE A REPLY

Please enter your comment!
Please enter your name here