ផ្ទុះ​ការ​រិះគន់​សកល​វិទ្យាល័យ​មួយ​នៅ​ភ្នំពេញ ក្រោយ​ករណី​ធ្លាក់​កង្ហារ​លើ​សិស្ស​អស់​ពេល ១០​ថ្ងៃ​ហើយ មិន​មាន​ដំណោះស្រាយ

0
178

ហ្វេ​ស​ប៊ុ​ក​៖ ក្រោយ​មាន​ករណី​ធ្លាក់​កង្ហារ​នៅ​ក្នុង​បន្ទប់ ក្នុង​សាលា IFL នា​ពេល​កន្លង​មក​បាន​ធ្វើ​ឲ្យ​និស្សិត​ម្នាក់ បាន​រង​បួស ហើយ​មក​ដល់​ពេល​នេះ​ខាង​សាលា​មិន​ទាន់​មាន ដំណោះស្រាយ​ចំពោះ​ជន​រង​គ្រោះ​នៅឡើយ​ទេ​។

នេះ​បើ​យោង​តាម​គណនី​ហ្វេ​ស​ប៊ុ​ក​ដែល​មានឈ្មោះ Vin Jing បាន​សរសេរ​នៅ​ក្នុង​បណ្តាញ​សង្គម​ថា “១០​ថ្ងៃ​មក​ហើយ​ចាប់តាំងពី​ថ្ងៃ​កើតហេតុ ១៤ មក​រា ២០២០ រហូត​មក​ដល់​ថ្ងៃនេះ ២៤ មក​រា ២០២០​។ ខាង​សាលា​ពុំ​មាន​ចំណាត់ការ លើ​សំណង​ឲ្យ​សម​ស្រប​ដល់​នាង​ខ្ញុំ​ជា​ជន​រង​គ្រោះ​ដោយសារ​ការ​ធ្លាក់​កង្ហារ​ដែល​មាន​សភាព​ចាស់​របស់​សាលា​នោះ​ទេ​។ ដោយ​តែងតែមាន​ទំនុកចិត្ត​លើ IFL ទើប​ចង់​ដោះស្រាយ​តាម​សន្តិវិធី សម្របសម្រួល​មិន

ចង់​មានរឿង​វែង​ឆ្ងាយ​នាំ​តែ​ខាត​ពេល​វា​លា​នៃ​ភាគី​សងខាង និង​ខូច​ឈ្មោះ​វិទ្យាស្ថាន​ដែល​តែងតែ​ល្បីឈ្មោះ ប៉ុន្តែ​ចម្លើយ​ដែល​ទទួល​កន្លង​មក​គឺ​បាន​ត្រឹមតែ​ពាក្យ “​សូមទោស​” និង ” ករណី​នេះ​ពុំ​មែន​ជា​ការ​ធ្វេសប្រហែស និង​មិន​អើពើ​របស់​អង្គភាព​ឡើយ​”​។

គួរ​បញ្ចា​ក់​ផង​ដែរ​ថា ៖
– មុខរបួស​លើ​ផ្ទៃមុខ​ជ្រៅ​ត្រូវ​ដេរ​ដល់​ទៅ ៥​ថ្នេរ ដែល​មុខ ជា​បន្សល់​ស្លាកស្នាម​។
– បន្ទាប់​ពី scan រួច ឆ្អឹង​ខ្ទង់ច្រមុះ​វៀច​។
– បន្ទាប់​ពី​ពិនិត្យ​នៅ​ពេទ្យ​ភ្នែក ឃើញ​ថា​បាត​ភ្នែក​ហើប មាន​ឈាម​ដក់ ដែល​បណ្តាល​ឲ្យ​គំហើញ​ភ្នែកមាន​សភាព​មិន​ប្រក្រតី​។

•​តើ​នឹង​ត្រូវ​អូស​បន្លាយ​ដល់​ពេល​ណា​ទៀត ទើប​មាន​ដំណោះស្រាយ​យ៉ាង​សមរម្យ​ដល់​អ្នក​រង​គ្រោះ?
•​តើ​អ្នក​ទាំងអស់​យល់​យ៉ាងណា​ចំពោះ​ចម្លើយ​ថា ករណី​នេះ​ពុំ​មែន​ជា​ការ​ធ្វេសប្រហែស ដោយ​ក្តី​អនុគ្រោះ​”៕

LEAVE A REPLY

Please enter your comment!
Please enter your name here