នាយក​រដ្ឋមន្ត្រី​ ទទួលបានចៅទី២២ និងអាចជាចៅចុងក្រោយ

0
5

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី៣ ខែមករា ឆ្នាំ២០២១នេះ បានអោយដឹងថា សម្ដេចទទួលបានចៅ ស្រីម្នាក់ទៀតដែលជាចៅទី២២និងអាច ជាចៅចុងក្រោយ ប្រសិនបេីពុំមានកូនណា មួយចង់បានកូន បន្ថែមទៀត នោះទេ។

តាមរយៈបណ្ដាញទំនាក់ទំនងសង្គមហ្វេសប៊ុក សម្ដេចតេជោ បានសរសេរយ៉ាងដូច្នេះថា «ថ្ងៃទី៣មករា២០២១នេះខ្ញុំនិងភរិយាទទួលបានចៅ ស្រីម្នាក់ទៀត ដែលជាចៅទី២២និងអាច ជាចៅចុងក្រោយ ប្រសិនបេីពុំមានកូនណា
មួយចង់បានកូន បន្ថែមទៀតនោះទេ»។

សម្ដេចបន្ថែមថា កាលពីខែមករា ឆ្នាំ២០០០​ ខ្ញុំនិងភរិយាទទួល បានចៅស្រីលើកដំបូង។​ ពេលនេះខែមករា ឆ្នាំ២០២១ បានទទួលចៅស្រីទី២២ ដែលនេះបញ្ជាក់ ថាមួយឆ្នាំយើង ខ្ញុំទទួលបាន
ចៅម្នាក់។​ មកដល់ពេលនេះខ្ញុំ មានចៅប្រុស១២នាក់​ និងចៅស្រី១០នាក់។

ជាមួយគ្នានេះសម្ដេចក៏បានលើកឡើងផងដែរថា ក្រុមកីឡាបាល់ទាត់បុរស ក្រុមកីឡាបាល់ទះបុរស បាល់ទះនារី ក្រុមកីឡាបាល់បោះ បុរស បាល់បោះនារី​ និងកីឡាផ្សេងទៀត ដែលប្រើមនុស្សតិចជាង១២នាក់ បង្កើតបានយ៉ាងងាយ។​
បន្ថែមពីនេះ នៅមានទៀត​ សម្ដេចនឹងខិតខំ បង្កើតវង់តន្រ្តី សម័យរបស់ចៅៗ ខ្ញុំមួយវង់ ទៀតព្រោះពេលនេះ ចៅប្រុសចៅស្រី ចេះលេងភ្លេង និងច្រៀងបានខ្លះហើយ។

សម្ដេចបន្ថែមថា សម័យកូវីដ១៩​ ខ្ញុំទទួលបានចៅស្រី២នាក់ ហើយជីតាមិន បានទៅបីចៅចេញ ពីបន្ទប់ សម្រាលដូចចៅមុនៗ​ ទេព្រោះជាវិធានការ ប្រឆាំងកូវីដ១៩៕

LEAVE A REPLY

Please enter your comment!
Please enter your name here