អ្នកលេងហ្គេមគួរតែត្រូវប្រុងប្រយ័ត្ន ពីភាពចន្លោះប្រហោងរបស់កម្មវិធី សម្រាប់បន្ទះឈីបវីដេអូ

0
7

ភ្នំពេញ៖ នាយកដ្ខាន ប្រឆាំង បទល្មើស បច្ចេកវិទ្យា បាន ឲ្យ ដឹង ថា កាលពីថ្ងៃព្រហស្បតិ៍មុននេះ Nvidia ដែលជាក្រុមហ៊ុនផលិតបន្ទះឈីបវីដេអូ (Graphics Processing Units-GPUs) សម្រាប់កុំព្យូទ័រដ៏ល្បីមួយនោះបានធ្វើការកែសម្រួលកម្មវិធីចំនួន១៦ ដែលអាចឱ្យជនអនាមិកធ្វើការវាយប្រហារប្រភេទ DoS ដែលធ្វើឱ្យកុំព្យូទ័រគាំងឈប់ដំណើរការ ឬពួកគេអាចធ្វើការកែប្រែ ឬលួចទាញយកទិន្នន័យសំខាន់ៗពីក្នុងកុំព្យូទ័របានទៀតផង។

កម្មវិធីដែលមានភាពចន្លោះប្រហោងនេះគឺជាកម្មវិធីសម្រាប់បន្ទះឈីបវីដេអូដែលគេហៅថា GPU Display Driver ហើយមុខងាររបស់វាគឺដើម្បីឱ្យកុំព្យូទ័រអាចធ្វើការទំនាក់ទំនងជាមួយនឹងបន្ទះឈីបវីដេអូដែលអ្នកប្រើប្រាស់បានដាក់បន្ថែម។ នេះជាលើកទីមួយសម្រាប់ឆ្នាំ ២០២១ ដែលក្រុមហ៊ុន Nvidia បានធ្វើបច្ចុប្បន្នភាពកម្មវិធី ហើយភាគច្រើនសម្រាប់តែកុំព្យូទ័រដែលមានប្រព័ន្ធប្រតិបត្តិការ Windows និង Linux។ កាលពីឆ្នាំកន្លងទៅក្រុមហ៊ុនក៏បានធ្វើបច្ចុប្បន្នភាពទៅលើកម្មវិធីមួយចំនួនមានដូចជាកម្មវិធី GeForce Experience និងកម្មវិធី GeForce Now ជាដើម៕

LEAVE A REPLY

Please enter your comment!
Please enter your name here