អ្នកដំណើដែលគេចវេស មិនឲ្យមន្ត្រីចត្តាឡីស័កត្រួតពិនិត្យ នឹងទទួលពិន័យពី ២០ម៉ឺនរៀល ទៅ១លានរៀល

0
4

ភ្នំពេញ៖ ក្រសួងសុខាភិបាល បានប្រកាសថា អ្នកដំណើដែលគេចវេស មិនឲ្យមន្ត្រីចត្តាឡីស័ក ធ្វើការត្រួតពិនិត្យ និងមិនព្រមធ្វើចត្តាឡីស័ក នឹងត្រូវទទួលពិន័យពី ២០ម៉ឺនរៀល ទៅ១លានរៀល។

យោងតាមលិខិតរបស់ ក្រសួងសុខាភិបាល នៅថ្ងៃទី១៥ ខែកុម្ភ: ឆ្នាំ២០២១ បានឲ្យដឹងថា ក្រសួងបានកត់សម្គាល់ ឃើញថា ការអនុវត្តការធ្វើចត្តាឡីស័ករបស់ប្រជាពលរដ្ឋខ្មែរ ក៏ដូចជា ជនបរទេស បានលទ្ធផលល្អប្រសើរ និងបានរួម ចំណែកនូវការការពារ ការឆ្លើយតបចំពោះការរីករាលវិរុសកូវីដ-១៩ ចូលក្នុងសហគមន៍ ប៉ុន្ដែរយ:នេះ ក្រសួងក៏សង្កេត ឃើញមានការធ្វើចត្តាឡីស័ក ទាំងប្រជាពលរដ្ឋខ្មែរ និងជនបរទេស មួយចំនួនមិនបានអនុវត្តត្រឹម ត្រូវទៅតាមការណែនាំ របស់ប្រមុខរាជរដ្ឋាភិបាល និងក្រសួងសុខាភិបាល នៅឡើយ។

ក្រសួងក៏បានក្រើនរំលឹកដល់ អភិបាលរាជធានី-ខេត្ត ទាំងអស់ ឲ្យអនុវត្តយ៉ាងម៉ឺងម៉ាត់នូវអនុក្រឹត្យរបស់រាជរដ្ឋាភិ ពាលស្ដីពី វិធានការសុខាភិបាលដើម្បីទប់ស្កាត់ និងឆ្លើយតបការឆ្លងរាលដាលជាអន្តរជាតិនៃជំងឺនៅតាមច្រកចេញចូល ជាពិសេស ជំពូកទី៥ ស្ដីពីទណ្ឌកម្ម ក្នុងមាត្រា៥ នៃអនុក្រឹត្យនេះ ដែលបានចែកថា៖ អ្នកដំណើរ ឬការីនៃយានដឹក ជញ្ជូនណា ដែលគេចវេសមិនឲ្យមន្ត្រីចត្តាឡីស័កធ្វើការត្រួតពិនិត្យ ឬមិនសហការជាមួយ នឹងមន្ត្រីចត្តាឡីស័ក ក្នុងការ អនុវត្តន៍វិធានការសុខាភិបាល ឬមិនបំពេញតាមបែបបទដែលមានកំណត់ក្នុងអនុក្រឹត្យនេះ ត្រូវទទួលពិន័យអន្តរការ ណ៍ជាប្រា ក់ពី ២០ម៉ឺនរៀល ទៅ ១លានរៀល ទៅតាមទំហំនៃបទល្មើស និងតម្រូវឱ្យអនុវត្តវិធានការសុខាភិបាល៕

LEAVE A REPLY

Please enter your comment!
Please enter your name here