ក្រសួងប្រកាសទីតាំងចំនួន២៣កន្លែង ដែលពាក់ព័ន្ធនឹងព្រឹត្តិការណ៍សហគមន៍២០កុម្ភៈ

0
4

ភ្នំពេញ៖ ក្រសួងសុខាភិបាល នៃព្រះរាជណាចក្រកម្ពុជា បាន ប្រកាស ពីទីតាំង ២៣កន្លែង ដែលពាក់ព័ន្ធ នឹងព្រឹត្តិការណ៍សហគមន៍ ២០កុម្ភ: ង នៅក្នុងរាជធានីភ្នំពេញ ហើយទីតាំងទាំងនេះ ត្រូវបានបិទជាបណ្តោះអាសន្ន ។

តាមរយ:សេចក្តីប្រកាសព័ត៌ របស់ក្រសួងសុខាភិបាលបានឲ្យដឹងថា ទីតាំងទាំង ២៣កន្លែងនោះ រួមមាន៖ ១. ក្លឹប N8 ២.ក្លិប Casa Bay Meridian ៣.សណ្ឋាគារ Le Gong Guan Hotel ៤. City Comfort ៥.អគារ The Bridge ៦. The Point Service Apartment ៧. Mekong Street ៨.Pent House Apartment ៩.Skyline DUMEX ១០.Somet Condoninium ១១.Residence L Olympic ១២.Prince Plaza Centre ១៣. Celeste Skybar ១៤.Diamond Twin ១៥. JinZun ខារ៉ាអូខេមុខព្រលាន ១៦.ក្លឹប Coco សណ្ឋាគារកណ្តាលសួនច្បារ ១៧. JuHao មុខហាងឆ្នេរមាស ១៨.ហាង The World ១៩.ហាង វ័នមែនសិន ២០.ក្លឹប ១៦៨ អតីត នគរសំរឹទ្ធិ ២១.Love ២២.វិទ្យាល័យ ហ៊ុនសែន ភ្នំពេញថ្មី ២៣.សាលា SIS។

ក្រសួងសុខាភិបាល បានលើកឡើងថា បុគ្គល ដែលធ្លាប់បានចេញចូលទីតាំង ខាងលើ ពីថ្ងៃទី៦ ដល់ថ្ងៃទី២០ ខែកុម្ភ: ឬបុគ្គល ពាក់ព័ន្ធទៅនឹងព្រឹត្តិការណ៍ ឬដឹងថាខ្លួនជាអ្នកប៉ះពាល់ ជាមួយ អ្នកមានវីរុសកូវីដ១៩ ត្រូវមានភាពស្មោះត្រង់ មិនលាក់លៀម និងស្ម័គ្រចិត្ត មកធ្វើតេស្តរកមេរោគកូវីដ១៩ នៅរៀងរាល់ម៉ោងធ្វើការ នៅមណ្ឌលសុខភាពចាក់អង្រែ ក្នុងរាជធានីភ្នំពេញ។ អ្នកទាំងនេះ ក៏ត្រូវដាក់ខ្លួន នៅដាច់ដោយឡែកពីក្រុមគ្រួសារ ធ្វើចត្តាឡីស័ក ចំនួន ១៤ថ្ងៃ នៅតាមផ្ទះរៀងៗខ្លួន ព្រមទាំងតាមដាន សុខភាពជារៀងរាល់ថ្ងៃ។ ប្រសិនបើមានអាការ:មិនស្រួលខ្លួន ដូចជាមានឡើងកម្ដៅខ្លួន ក្អក ផ្តាសាយ ឈឺបំពងក ឬពិបាកដកដង្ហើម ជាដើម សូមហៅទៅលេខទូរស័ព្ទទាន់ហេតុការណ៍ ១១៥ ឬលេខទូរស័ព្ទ ដែលមានជូននៅខាងក្រោមនេះស្រាប់ ដើម្បីជួយអន្តរាគមន៍សុខភាពបានទាន់ពេលវេលា ។

ក្រសួងសុខាភិបាល ក៏បានប្រកាស អំពាវនាវ និងក្រើនរំលឹក សាជាថ្មីម្តងទៀត សូម បងប្អូន ប្រជាពលរដ្ឋទាំងអស់ នៅទូទាំងប្រទេស និងជាពិសេស អ្នករស់នៅក្នុងរាជធានីភ្នំពេញ និងខេត្តកណ្តាល ត្រូវប្រកាន់ យកនូវការប្រុង ប្រយ័ត្នខ្លួនជាប់ជានិច្ច គ្រប់គ្រងក្រុមគ្រួសារ ឲ្យបានល្អ និងចូលរួមអនុវត្តវិធានការការពារខ្លួនឲ្យបានខ្ជាប់ខ្ជួន គ្រប់ៗគ្នា។

ក្រសួងសុខាភិបាល បានបញ្ជាក់ថា ការរុករកស្រាវជ្រាវ បានបង្ហាញថា ស្ថានភា ពនៃ ការចម្លង ក្នុងសហគមន៍នាពេលនេះ មានលក្ខណ:ធំជាង និងសាំញ៉ាំ ជាងព្រឹត្តិការណ៍សហគមន៍ ២៨វិច្ឆិកា ហើយវិធានការ និងអន្តរាគមន៍នានា បានដាក់ ចេញជាបណ្តើរៗ គឺអាស្រ័យ ទៅតាមស្ថានភាពនៃការរកឃើញវត្តមានវីរុសកូវីដ១៩ នៅតាមទីតាំងនីមួយៗ ដើម្បីទប់ស្កាត់ការចម្លងបន្តវីរុសកូវីដ១៩ នៅក្នុងសហគមន៍ទ្រង់ទ្រាយធំធេង៕

LEAVE A REPLY

Please enter your comment!
Please enter your name here