ភ្នំពេញ៖ពាក់ព័ន្ធតម្លៃខ្លួនរបស់កីឡាករ ក្នុងលីកកំពូលកម្ពុជា បច្ចុប្បន្ន បានក្លាយជាប្រធានបទដ៏ក្តៅគគុក សម្រាប់អ្នកទស្សនា ចង់ដឹងចង់លឺ ជាពិសេសតម្លៃខ្លួនសំណព្វចិត្តរបស់គេ គឺ ចាន់ វឌ្ឍនាកា ។ រឿងតម្លៃខ្លួនខ្សែប្រយុទ្ធមុតស្រួច របស់បឹងកេតនេះដែរ មិនត្រូវបានទម្លាយ ជាសាធារណៈឲ្យដឹងលឺនោះទេ ក៏ព្រោះតែជាបទបញ្ញាតិផ្ទៃក្នុងរបស់ក្លិបមួយៗ ។
ទោះបីជាយ៉ាងនេះក្តី អ្វីៗនៅលើលោកនេះគ្មានអ្វី ជាអាថ៌កំបាំងនោះទេ ពោលគឺក្រដាសមិនអាចខ្ចប់ភ្លើងជិតឡើយ ដោយត្រូវបានប្រភពទម្លាយ យ៉ាងច្បាស់ នឹងត្រជាក់ល្ហឹម ឲ្យដឹងតែម្តង ។ ប្រភពពីក្លិបបឹងកេតនេះដែរ បានបង្ហើបឲ្យដឹងថា បើនិយាយពីតម្លៃ ខ្លួនរបស់ ចាន់ វឌ្ឍនា គឺអាចចាយវាយបានយ៉ាងស្រួលក្នុងមួយខែៗ ដែលសាកសមនឹងកេរ្តិ៍ឈ្មោះល្បីល្បាញរបស់គាត់ ។
ប្រភពដែលសុំមិនបញ្ចេញឈ្មោះនេះដែរ បានបញ្ជាក់ថា តម្លៃខ្លួនរបស់ ចាន់ វឌ្ឍនាកា ដែលកំពុងលេងនៅក្នុងក្លិបបឹងកេតនាពេលបច្ចុប្បន្ន ចូលខ្ទង់ ២ពាន់ដុល្លារអាម៉េរិក ដែលជាតម្លៃមួយស្ថិតក្រោមទីផ្សារ កីឡាករបរទេសមួយចំនួន ដែលកំពុងលេងនៅក្នុងលីកកំពូលរបស់កម្ពុជា ៕
