យោងតាមរបាយការណ៍ចុងក្រោយបានឲ្យដឹងថា គ្រូបង្វឹកតោខៀវ លោក Lampard កំពុងត្រៀមទឹកប្រាក់ ៨៥លានផោន ដើម្បីផ្ទេរកីឡាករ Leon Bailey ពីក្រុម Bayer Leverkusen ដោយដាក់ការប្រជែងជាមួយក្រុមជើងខ្លាំង Liverpool និង ក្រុម Man Utd ។
កីឡាករ Leon Bailey បច្ចុប្បន្នទើបតែអាយុ ២២ឆ្នាំ ដែលកំពុងក្លាយជាកីឡាករវ័យក្មេង ដ៏ចាប់អារម្មណ៍ពី ក្លិបធំៗនៅតំបន់អឺរ៉ុប ។
Daily Express បានចុះផ្សាយថា គ្រូបង្វឹកតោខៀវ បានចាប់អារម្មណ៍ទៅលើកីឡាករខាងលើ ដែលបានជួយក្រុម យកឈ្នះ ទៅលើក្រុម Rangers របស់ Steven Gerrard កាលពីអំឡុងការប្រកួតពាន Europa League ។
កីឡាករសញ្ជាតិចាមៃកា ត្រូវបានលោក Lampard ចាត់ទុកជាតួអង្គដ៏សំខាន់ ដែលជំនួសតំណែង Willian និង Pedro ដែលអ្នកទាំងពីររំពឹងថានឹងចាកចេញពី Stamford Bridge នារដូវក្តៅនេះ។
ទន្ទឹមជាមួយគ្នានេះដែរ ក្រុមតោខៀវ បានត្រៀមខ្លួនរួចារាល់ទៅហើយ ក្នុងការផ្ទេរយក Hakim Ziyech មកកាន់ Stamford Bridge នៅចុងបញ្ចប់នៃរដូវកាលនេះបន្ទាប់ពី Chelsea បានយល់ព្រមលើកិច្ចព្រមព្រៀងចំនួន ៣៦ លានផោនជាមួយក្លិប Ajax ៕
