ក្លឹបនៅ La Liga នឹងចូលហ្វឹកហាត់វិញក្នុងសប្ដាហ៍នេះ។
ប្រធានរបស់ La Liga លោក Javier Tebas បាននិយាយថា ការវិលត្រឡប់នៃបាល់ទាត់គឺជាសញ្ញាបង្ហាញថា សង្គមកំពុងរីកចម្រើនឆ្ពោះទៅរកភាពប្រក្រតីថ្មី។ លោកសង្ឃឹមថា បាល់ទាត់នឹងអាចចាប់ផ្ដើមលេងម្ដងទៀតនៅខែមិថុនា ហើយនឹងបញ្ចប់រដូវកាល២០១៩-២០ ដោយជោគជ័យ។
ក្នុងនោះមានលក្ខណ្ឌ កីឡាករទាំងអស់ត្រូវតម្រូវឲ្យធ្វើតេស្ដរកវីរុសកូរ៉ូណាសិន ប្រសិនបើលទ្ធផលចេញមកអវិជ្ជមាននឹងអនុញ្ញាតឲ្យចូលទីលានហ្វឹកហាត់បាន។ រដ្ឋាភិបាលរបស់អេស្ប៉ាញបានបន្ធូរបន្ថយនៃច្បាប់រក្សាខ្លួនកាលពីថ្ងៃច័ន្ទ ហើយក្រសួងសុខាភិបាលបានអនុញ្ញាតឲ្យអត្តពលិកអាចហ្វឹកហាត់បានវិញ ៕
