​លីកអង់គ្លេស​ត្រលប់វិញអាច​លេងតិចជាង​៩០នាទី

លោក Gordon Taylor​ ប្រធាន​នាយក​ប្រតិបត្តិ​​សមាគម​កីឡាករ​បាល់ទាត់​អាជីព (PFA) បានលើកឡើងថា ​ក្របខ័ណ្ឌ Premier League អាច​នឹង​​លេង​តិច​ជាង​៩០​នាទី ពេល​ដែល​រដូវ​កាល​បន្ត​លេង​សាជាថ្មី។
​លោក Taylor បាន​លើក​ឡើង​ថា សំណើ​នៃ​ការ​ពង្រួម​ពេលវេលា​ប្រកួត​ក្នុង​​​មួយ​តង់​ៗ​កំពុង​ស្ថិត​នៅ​លើ​តុ​យក​ទៅ​ពិភាក្សា​ជាមួយ​ក្លឹប​ទាំង​២០​នៅ​សប្ដាហ៍​នេះ។
លោក Taylor បន្តថាគ្រប់​យ៉ាង​ត្រូវ​រង​ចាំ​និង​មើល​ទាំង​អស់​គ្នា។ គ្មាន​នរណា​ដឹង​ពី​អនាគត​នោះ​ទេ។ រឿងរ៉ាវ​កីឡាករ​​បម្រុង ការ​ប្រកួត​អាច​មិន​ពេញ​៤៥​នាទី​ក្នុង​មួយ​តង់ ទីកន្លែង​ប្រកួត​អព្យាក្រឹត និង​រឿង​ជា​ច្រើន​​ទៀត​​កំពុង​ដាក់​គិតគូរ​។