ទូតកម្ពុជាប្រចាំម៉ាឡេស៊ី ប្រាប់ពលករបញ្ឈប់ការធ្វើចំណាកស្រុកខុសច្បាប់ ដែលអាចប្រឈមនឹងហានិភ័យខ្ពស់

ភ្នំពេញ៖ ស្ថានឯកអគ្គរាជទូតកម្ពុជា ប្រចាំប្រទេសម៉ាឡេស៊ី បានធ្វើការអំពាវនាវឲ្យពលករបញ្ឈប់ការធ្វើចំណាកស្រុកដោយខុសច្បាប់ដែល អាចប្រឈមនឹងហានិភ័យខ្ពស់។

យោតាមហ្វេសប៊ុករបស់ស្ថានទូតកម្ពុជា ប្រចាំប្រទេសម៉ាឡេស៊ី បានឲ្យដឹងថា ស្ថានទូតកម្ពុជា បន្តជួយសម្របសម្រួល ជូនពលករ/ពលការិនីចំនួន៨នាក់ ដែលបានមករស់នៅ និងធ្វើការខុសច្បាប់នៅប្រទេសម៉ាឡេស៊ី បានវិលត្រឡប់ទៅកម្ពុជាវិញ។ ពួកគាត់បានទៅដល់អាកាសយានដ្ឋាន អន្តរជាតិភ្នំពេញ តាមជើងយន្តហោះហើរ អាកាសចរណ៍សិង្ហបូរីលេខ SQ5008 កាលពីថ្ងៃទី៣ ខែមីនា ឆ្នាំ២០២១ វេលាម៉ោង ៥៖៣៥នាទី៕