ក្រោយចាក់វ៉ាក់សាំងកូវីដ១៩បាន៣ថ្ងៃ សុខភាពរបស់សម្ដេចតេជោ ហ៊ុន សែន គ្មានអ្វីប្រែប្រួលនិង បន្តធ្វើកិច្ចការជាធម្មតាមិនមានអ្វីរាំងស្ទះនោះទេ

0
3

ភ្នំពេញ៖ បន្ទាប់ពីបានចាក់វ៉ាក់សាំងការពារជំងឺ កូវីដ១៩ បានរយ:ពេលបីថ្ងៃ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅរសៀលថ្ងៃទី០៧ ខែមីនា ឆ្នាំ២០២១នេះ បានបញ្ជាក់ឲ្យដឹងថា សុខភាពរបស់សម្ដេច មានភាពល្អធម្មតា បន្ទាប់ពីការចាក់វ៉ាក់សាំង រយ:ពេល៣ថ្ងៃកន្លងមក។

តាមរយ:បណ្ដាញទំនាក់ទំនងសង្គមហ្វេសប៊ុក សម្តេចតេជោ ហ៊ុន សែន បានសរសេរយ៉ាងដូច្នេះថា «ជូនបងប្អូនជនរួមជាតិ ជាទីគោរពស្រឡាញ់! បន្ទាប់ពីការចាក់វ៉ាក់សាំង រយ:ពេល៣ថ្ងៃកន្លងមក សុខភាពរបស់ខ្ញុំនៅរក្សាភាពធម្មតា គ្រាន់តែងងុយដេកបន្តិច នៅថ្ងៃទី១។ ខ្ញុំនៅតែបន្តធ្វើកិច្ចការជាធម្មតា មិនមានអ្វីរាំងស្ទះនោះទេ។ សូមអរគុណចំពោះជនរួមជាតិ ដែលយកចិត្តទុកដាក់ លើសុខភាពរបស់ខ្ញុំ»។

សូមបញ្ជាក់ថា សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន កាលពីព្រឹកថ្ងៃទី០៤ ខែមីនា ឆ្នាំ២០២១ បានអញ្ជើញចាក់វ៉ាក់សាំងប្រឆាំងជំងឺកូវីដ១៩ របស់ក្រុមហ៊ុនអាស្ត្រាហ្សេនីកា (Astra Zeneca) នៅមន្ទីរពេទ្យកាល់ម៉ែត៕

LEAVE A REPLY

Please enter your comment!
Please enter your name here