ភ្នំពេញ៖ ក្រសួងបរិស្ថានបានបង្ហាញតាមរយៈបណ្ដាញសង្គមហ្វេសប៊ុកឲ្យដឹងថា កម្ពុជាត្រូវបានចាត់ទុកថា ជាប្រទេសដែលមានវត្តមានសត្វទន្សោង ច្រើនជាងគេនៅលើពិភពលោក ដោយមានប្រមាណជាង១ពាន់ក្បាលនៅក្នុងដែនជម្រកសត្វព្រៃនានា។
ក្រសួងបរិស្ថានបញ្ជាក់ថា “កម្ពុជាត្រូវបាន ចាត់ទុកថាជាប្រទេសដែលមានវត្តមានសត្វទន្សោងច្រើនជាងគេនៅលើពិភពលោក។ តាមការសិក្សា កម្ពុជានៅសល់សត្វទន្សោងប្រមាណ ១៥០០ក្បាលដែលកំពុងរស់នៅក្នុងដែនជម្រកសត្វព្រៃនានានៅកម្ពុជា។ សូមនិយាយថាទេចំពោះសាច់សត្វព្រៃ ដើម្បីបញ្ឈប់ការបរបាញ់ខុសច្បាប់”៕
