បន្ទាន់! កម្ពុជា មានអ្នកស្លាប់ដោយសារ ជំងឺកូវីដ១៩ ជាលើកដំបូង

0
7

ភ្នំពេញ៖ ក្រសួងសុខាភិបាល បានប្រកាសឲ្យដឹងថា បុរសជនជាតិខ្មែរ មានអាយុ ៥០ឆ្នាំ បានស្លាប់ដោយសារ ជំងឺកូវីដ១៩ ជាលើកដំបូង នៅកម្ពុជា ។

យោងតាមសេចក្តីប្រកាសព័ត៌មាន របស់ក្រសួង នៅថ្ងៃទី១១ មីនានេះបានឲ្យដឹងបន្តថា នាថ្ងៃទី១១ ខែមីនា ឆ្នាំ២០២១ វេលាម៉ោង ១០:៤០នាទីព្រឹក មានបុរស ជនជាតិខ្មែរ ១នាក់ អាយុ ៥០ឆ្នាំ បានទទួលមរណៈភាពដោយសារជំងឺកូវីដ-១៩ នៅមន្ទីរពេទ្យ មិត្តភាពខ្មែរ -សូវៀត ដែលជាករណីស្លាប់លើកទី១ នៅកម្ពុជា។

ក្រសួងបន្តទៀតថា សព មានទីលំនៅ នៅសង្កាត់ចាក់អង្រែ ខណ្ឌមានជ័យ រាជធានីភ្នំពេញ ជាអ្នកបើកបរឲ្យថៅកែជនជាតិចិន នៅខេត្តព្រះសីហនុ ដែល មានផ្ទុកជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ ។ សពនេះ ត្រូវបានរកឃើញថា មានឆ្លង វីរុសកូវីដ-១៩ នៅថ្ងៃទី២៧ ខែកុម្ភៈ ឆ្នាំ២០២១ ដែលមានលទ្ធផលបញ្ជាក់ ដោយមន្ទីរពិសោធន៍នៃ វិទ្យាស្ថានប៉ាស្ទ័រកម្ពុជា ៕

LEAVE A REPLY

Please enter your comment!
Please enter your name here