ភ្នំពេញ÷ លោក ពេជ្រ ស្រស់ ប្រធានគណបក្សយុវជនកម្ពុជា ធ្វើតាមសន្យា ដោយផ្ញើថវិកា50ម៉ឺនរៀលជូនទៅលោកស្រីប៉ូលីសដែលបំបៅកូនពេលបំពេញការងារតាមការសន្យារួចហើយ។
តាមរយ:បណ្ដាញសង្គមហ្វេសប៊ុក នៅថ្ងៃទី១២ ខែមីនា ឆ្នាំ២០២១នេះ លោក ពេជ្រស្រស់ បានលើកឡើងយ៉ាងដូច្នេះថា ” អ្វីដែលខ្ញុំសន្យាគឺខ្ញុំមិនដែលខកខានក្នុងការបំពេញតាមការសន្យារបស់ខ្ញុំនោះទេ ឆាប់ឬយឺតគឺខ្ញុំត្រូវតែបំពេញតាមពាក្យសន្យារបស់ខ្ញុំ ឲ្យខាងតែបាន ដោយនៅថ្ងៃនេះ ខ្ញុំបានផ្ញើថវិកា50ម៉ឺនរៀលជូនទៅលោកស្រីប៉ូលីសដែលបំបៅកូនពេលបំពេញការងារតាមការសន្យារបស់ខ្ញុំរួចហើយ។ ខ្ញុំសូមជូនពរដល់លោកស្រីឲ្យជួបតែសំណាងល្អក្នុងឆាកជីវិតនេះ” ៕
