រដ្ឋមន្រ្តីស្ដីបន្ទោសគ្រូបង្រៀនម្នាក់ ដែលជាប់ពាក់ព័ន្ធអ្នកជំងឺកូវីដ១៩ ហើយនៅតែបន្តចូលបង្រៀនសិស្សផ្ទាល់ក្នុងថ្នាក់

0
9

ភ្នំពេញ៖ លោក ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡាបានចេញលិខិតស្តីបន្ទោសលោក ប៉ៃ ផុនា ដែលជាគ្រូបង្រៀន កម្រិតឧត្តមមុខវិជ្ជាគីមី នៅវិទ្យាល័យអង្គតាសោម ខេត្តតាកែវ ដែលបានមកបង្រៀនសិស្សនៅក្នុងថ្នាក់បន្ត ក្រោយគ្រូបង្រៀនរូបនេះបានចូលរួមកម្មវិធី មានមនុស្សច្រើន និងមានអ្នកជំងឺកូវីដ១៩ម្នាក់ បានចូលរួមផងដែរ។

លោករដ្ឋមន្រ្តីបានស្តីបន្ទោស ដោយសារតែលោកគ្រូខាងលើ បានប្រព្រឹត្តកំហុសឆ្គង ក្នុងការអនុវត្តវិធានការ ដើម្បីទប់ស្កាត់ការចម្លងជំងឺកូវីដ១៩ ក្នុងសហគមន៍ ដោយសាមីខ្លួន មានការពាក់ព័ន្ធជាមួយអ្នកជំងឺកូវីដ១៩ ប៉ុន្តែមិនបានអនុវត្តវិធានការ ទប់ស្កាត់ការចម្លងបន្តទៅក្នុងសាលារៀន។

សូមបញ្ជាក់ថា ខេត្តតាកែវបានផ្ទុះការភ្ញាក់ផ្អើលជាខ្លាំង កាលពីថ្ងៃ១៥ មីនា ក្រោយបុគ្គល កក្កដា សោភ័ណ្ឌ ដែលជាអតីតសង្ឃ មានវិជ្ជមានកូវីដ១៩ បានទៅចូលរួមមង្គលការ នៅភូមិក្រាំងលាវ ឃុំរវៀង ស្រុកសំរោង ខេត្តតាកែវកាលពីថ្ងៃ ១២មីនា៕

LEAVE A REPLY

Please enter your comment!
Please enter your name here