សូមអ្នកពាក់ព័ន្ធទៅធ្វេីតេស្តបន្ទាន់ ក្រោយរកឃើញបុគ្គលិកហាងម៉ាស្សា GANESH ឆ្លងកូវីដ១៩

0
3

ភ្នំពេញ៖ ក្រោយរកឃើញបុគ្គលិកហាងម៉ាស្សា GANESH នៅសង្កាត់បឹងត្របែក ខណ្ឌចម្ការមន ឆ្លងកូវីដ១៩នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានអំពាវនាវដល់អ្នកពាក់ព័ន្ធសូមទៅធ្វេីតេស្តនៅ​ វិទ្យាល័យ​បាក់ទូក​ ឬ​ វិទ្យាល័យ​បឹង​ត្របែក​ ឬ មណ្ឌលសុខភាពចាក់អង្រែក្រោម​ ឬ មន្ទីរ​ពេទ្យខ្មែរសូវៀត​ និងមន្ទីរពេទ្យបង្អែកនៅតាមបណ្តាខេត្តនានា​។

ហាងម៉ាស្សា Ganesh House ត្រូវបានលោក ឃួង ស្រេង អភិបាលរាជធានីភ្នំពេញ បានប្រាប់ឲ្យបញ្ឈប់សកម្មភាពជាបន្ទាន់ ក្រោយរកឃើញបុគ្គលិករបស់អាជីវកម្មម៉ាស្សា Ganesh Hous ចំនួន៧នាក់ ក្នុងចំណោម៩នាក់ បានយកសំណាកជាប់ពាក់ព័ន្ធ ព្រឹត្តិការណ៍សហគមន៍ ២០កុម្ភ: ដែលមានលទ្ធផលតេស្តវិជ្ជមានជំងឺកូវីដ១៩។

សូមជម្រាបថា គិតត្រឹមថ្ងៃទី២០ ខែមីនា ឆ្នាំ២០២១នេះ នៅកម្ពុជាបានរកឃើញអ្នកឆ្លងកូវីដ១៩ សរុបចំនួន ១៦៣២នាក់ ក្នុងនោះអ្នកជាសះស្បើយចំនួន ៩៣៥នាក់, អ្នកជំងឺកំពុងសម្រាកព្យាបាលចំនួន ៦៩២នាក់, ស្លាប់ចំនួន ៣នាក់៕

LEAVE A REPLY

Please enter your comment!
Please enter your name here