នោះ! ក្រសួងធម្មការ ស្នើឲ្យតុលាការខេត្តកណ្ដាល ចាត់ការបុគ្គល ផែង វណ្ណៈ

0
7

ភ្នំពេញ៖ ក្រសួងធម្មការ និងសាសនា បានស្នើទៅកាន់ព្រះរាជអាជ្ញាអមសាលាដំបូងខេត្តកណ្ដាល ឲ្យចាត់វិធានការផ្លូវច្បាប់ចំពោះបុគ្គល ផែង វណ្ណ: ពីបទប្រមាថព្រះសង្ឃ តាមមាត្រា៥១៦, បទញុះញង់ឲ្យមានការរើសអើង តាមមាត្រា៤៩៦ និងបទគំរាមកំហែងថានឹងសម្លាប់ តាមមាត្រា២៣៣ តាមក្រមព្រហ្មទណ្ឌ នៃព្រះរាជាណាចក្រកម្ពុជា។

យោងតាមលិខិតរបស់ ក្រសួងធម្មការ កាលពីថ្ងៃទី១៩ មីនា និងទើបបញ្ជូនដល់តុលាការខេត្តកណ្ដាល នៅព្រឹកថ្ងៃទី២២ មីនានេះបានឲ្យដឹងថា កាលពីថ្ងៃទី១៤ មីនា លោក ផែង វណ្ណ: ធ្វើការបង្ហោះវីដេអូ ផ្សាយផ្ទាល់លើផេករបស់ខ្លួន អតីតឈ្មោះ Pheng Vannak News ដោយបានជេរប្រមាថ មកលើព្រះសង្ឃ និងពោលពាក្យគំរាមកំហែង ញុះញុងឱ្យមានការរើសអើងចំពោះព្រះសង្ឃ ព្រះពុទ្ធសាសនា ដែលជាសាសនារបស់រដ្ឋ មិនតែប៉ុណ្ណោះ បានប្រមាថយ៉ាងធ្ងន់ធ្ងរដល់អាយុជីវិតរបស់អ្នកបួស ដោយបាននិយាយថា «ប្រសិនបើវាយកូនខ្ញុំបែបនេះ ខ្ញុំអត់ទៅប្តឹងទេ ខ្ញុំទៅបាញ់ចោលតែម្តង ចំពោះអ្នកប្រព្រឹត្ត»។

ក្រសួងធម្មការបន្ថែមថា ទាំងនេះជាចេតនាគំរាមកំហែងថានឹងសម្លាប់ ដែលមានបញ្ញត្តិក្នុងក្រមព្រហ្មទណ្ឌ និងចោទបន្ថែមលើព្រះគ្រូ ចៅអធិការវត្តបូណ៍នូវពាក្យមិនពិតដោយពោលថា លោកជាជន រងគ្រោះ រត់គេចខ្លួន ព្រោះខ្លាចគេតាមធ្វើបាប មិនហ៊ានចូលផ្ទះទៀតផង និងវាយប្រហារមន្ត្រីថេរសភាសង្ឃខេត្ត ដែលធ្វើឱ្យប៉ះពាល័ដល់កិត្តិយស សេចក្តីថ្លៃថ្នូរ ព្រះពុទ្ធសាសនា ដែលជាសាសនារបស់រដ្ឋយ៉ាងខ្លាំង។

ក្នុងនាមក្រសួងធម្មការ និងសាសនា ធ្វើការថ្កោលទោសលើបុគ្គលឈ្មោះ ផែង វណ្ណ: ចំពោះសកម្មភាព ដូចបានរៀបរាប់ខាងលើនេះ និងស្នើសុំឲ្យ ព្រះរាជអាជ្ញាអមសាលាដំបូងខេត្តកណ្ដាល ចាត់វិធានការចំពោះបុគ្គលរូបនេះ តាមច្បាប់ជាធរមាន។

សូមរំលឹកថា ក្រោយពីជេរប្រមាថទមើលងាយធ្ងន់ៗ ទៅលើព្រះមហាវិមលធម្ម ដែលធ្វើឲ្យអ្នកលេងបណ្ដាញសង្គមជាច្រើន ផ្ទុះការរិះគន់យ៉ាងខ្លាំងនោះ កាលពីថ្ងៃទី២០ មីនា លោក ផែង វណ្ណ: បានទៅកាន់វត្តរាជបូណ៌ ក្នុងទឹកដីខេត្តសៀមរាប ដើម្បីចូលខ្លួនឱនក្បាលក្រាបបង្គំ សុំខមាទោសចំពោះព្រះភក្ដ្រ ព្រះមហាវិមលធម្ម ពិន សែម សិរីសុវណ្ណោ ព្រះរាជាគណ:ថ្នាក់ទោ គណ:មហានិកាយ ហើយនៅព្រឹកនេះ។

ទាក់ទិនករណីនេះ ព្រះសុមង្គល សិលាចារ្យ អាភាករោ ជុំ គឹមឡេង ព្រះមេគណខេត្តសៀមរាប និងជាព្រះប្រធានក្រុមប្រឹក្សាកិ ច្ចការវត្តអារាម បានស្នើឲ្យរាជរដ្ឋាភិបាលកម្ពុជា ថ្កោលទោស ចំពោះបុគ្គល ផែង វណ្ណ: ដែលប្រមាថសមាជិក ថេរភាសង្ឃខេត្ត និងមន្ដ្រីរដ្ឋបាលខេត្តសៀមរាប។

ជាមួយគ្នានោះ នាថ្ងៃទី ៨មីនា លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ក៏បានសម្រេចលុប អាជ្ញាបណ្ណ គេហទំព័រឈ្មោះ WWW.phengvennaknews.com របស់លោក ផែង វណ្ណ:ផងដែរ ៕

LEAVE A REPLY

Please enter your comment!
Please enter your name here