គ្រឹះស្ថានអង្គរលក់បណ្ណចូលទស្សនារមណីយដ្ឋានអង្គរ បានចំណូលជិត ២០ម៉ឺនដុល្លារ ក្នុងរយៈពេល៥ខែឆ្នាំនេះ

0
2

ភ្នំពេញ៖ គ្រឹះស្ថានអង្គរ បានឲ្យដឹងថា ក្នុងរយ:ពេល៥ខែ ឆ្នាំ២០២១នេះ គ្រឹះស្ថានអង្គរបានលក់បណ្ណចូលទស្សនាតំបន់អង្គរបានចំនួន៤,៧៧៤នាក់ ធ្លាក់ចុះ៩៨.៧៦ភាគរយ បើធៀបនឹងរយ:ពេលដូចគ្នាឆ្នាំ២០២០ ដោយទទួលបានចំណូល ១៩៧,២០៨ដុល្លារអាមេរិកធ្លាក់ចុះ៩៨.៩១ភាគរយ។

យោងតាមសេចក្ដីប្រកាសព័ត៌មានរបស់ គ្រឹះស្ថានអង្គរ នៅថ្ងៃទី១ ខែមិថុនា ឆ្នាំ២០២១នេះបានឲ្យដឹងថា សម្រាប់ថវិកាចំណូល បានពីការលក់បណ្ណចូលទស្សនាអង្គរក្នុងរយ:ពេល១ខែឧសភា ឆ្នាំ២០២១ បានលក់បណ្ណជូនភ្ញៀវចំនួន ២៤៦នាក់ ធ្លាក់ចុះ៨៦.១៥ភាគរយ បើធៀបនឹងខែដូចគ្នាឆ្នាំ២០២០ ដោយទទួលបានចំណូល ៩,៩៩២ដុល្លារអាមេរិក ធ្លាក់ចុះ៨៦.១៣ភាគរយ។

ប្រភពបន្ថែមថា ក្នុងខែឧសភានេះផងដែរ គឺថវិកាចំនួន ៤៩២ដុល្លារ ត្រូវបានឧបត្ថម្ភដល់មូលនិធិគន្ធបុប្ផា ដើម្បីទ្រទ្រង់ដំណើរការរបស់មន្ទីរពេទ្យគន្ធបុប្ផា សម្រាប់ជួយសង្គ្រោះជីវិត និងព្យាបាលជំងឺកុមារកម្ពុជា ហើយបើសរុបថវិកាទាំង០៥ខែ គឺមានចំនួន ៩,៥៤៨ដុល្លារ សម្រាប់ឧត្ថម្ភមូលនិធិ មន្ទីរពេទ្យគន្ធបុប្ផាកម្ពុជា៕

LEAVE A REPLY

Please enter your comment!
Please enter your name here