បច្ចុប្បន្ន​កម្ពុជាមានកណ្តុរ ជិត៦០ក្បាល ​សម្រាប់បម្រើប្រតិ្តបត្តិការបោសសម្អាតមីន

0
2

ភ្នំពេញ៖ អគ្គនាយកមជ្ឈមណ្ដលកំចាត់មីនកម្ពុជា ហៅកាត់ថា ស៊ីម៉ាក់ លោក ហេង រតនា បានឲ្យដឹងថា បច្ចុប្បន្ន​ កម្ពុជាមានកណ្តុរចំនួន៥៧ក្បាល​សម្រាប់បម្រើប្រតិ្តបត្តិការបោសសម្អាតមីន។

ក្នុងជំនួបជាមួយលោក លោក​ Michael Heiman ប្រធានអង្គការ​ APOPO ប្រចាំតំបន់​និងនៅកម្ពុជា​លោក ហេង រតនា​ បានលើកឡើងពីកិច្ចសហប្រតិបតិ្តការវាងកម្លាំងស៊ីម៉ាក់និងអង្គការ APOPO​ ក្នុងការអនុវត្តបច្ចេកទេសបោសសំអាតមីន ដោយសត្វកណ្តុរ​ ការស្រាវជ្រាវបច្ចេកទេសដោយសុនខ​ និងការជាវសុនខស៊ីម៉ាក់យកទៅប្រតិបតិ្តការនៅក្រៅប្រទេស។

សូមបញ្ជាក់ថា​ កណ្តុរ Magawa ដែលទទួលពានជើងឯកនៅប្រទេសអង់គ្លេសនោះបានដាក់ឱ្យចូលនិវត្តន៍ ដោយបញ្ហាអាយុនិង សុខភាព​ ហើយMagawaរក្សាទុកឱ្យសំរាកនៅទីតាំងស៊ីម៉ាក់ខេត្តសៀមរាប។

លោក ហេង រតនា បញ្ជាក់ថា” បច្ចុប្បន្ននេះ​ អង្គភាពស៊ីម៉ាក់និងAPOPO សហការប្រើប្រាស់កណ្តុរចំនួន៥៧ក្បា ​សំរាប់បំរើប្រតិ្តបត្តិការបោសសម្អាតមីន ដែលក្នុងនោះកំពុងប្រតិបតិ្តការចំនួន៣៤ក្បាល​ ដាក់ចូលនិវត្តន៍ចំនួន៥ក្បាល​ និងកំពុងហ្វឹកហ្វឹនចំនួន១៨ក្បាល”។

លោក បន្តថា ដោយឡែកសុនខដែលបានបញ្ជូនពីអង្គភាពស៊ីម៉ាក់ទៅបំរើការនៅប្រទេសស៊ូដង់​ខាងត្បូង​ ប្រទេសអង់ហ្គោឡា​ និងប្រទេស​តួរគី​នោះបានបំពេញប្រតិបតិ្តការយ៉ាងល្អប្រសើរ​ ហើយខាងអង្គការ APOPO បានស្នើសុំជាវសុនខមួយចំនួនបន្ថែមទៀតពី ស៊ីម៉ាក់ដើម្បីយកទៅប្រតិបតិ្តការនៅប្រទេសមួយចំនួនផេ្សងទៀត។

ទន្ទឹងនឹងនេះដែរ​ លោក Michael Heiman​ បានបញ្ជាក់ពីលទ្ធភាពក្នុងការទទួលជំនួយពីប្រទេសប៊ែលហ្សិ​ក្នុងការគាំទ្រកិច្ចប្រតបតិ្តការ របស់អង្គភាពស៊ីម៉ាក់ក្នងរយ:ពេល៥ឆ្នាំ ២០២២-២០២៦​ ហើយគោលដៅសំខាន់របស់គម្រោងត្រូវបន្តអនុវត្តនៅទិសខេត្តព្រះវិហារ​ ជាពិសេសតំបន់ប្រាសាទព្រះវិហារ៕

LEAVE A REPLY

Please enter your comment!
Please enter your name here