Google នឹងធ្វើការកែទម្រង់របៀប គ្រប់គ្រងផ្សព្វផ្សាយពាណិជ្ជកម្ម បន្ទាប់ពីរងការផាកពិន័យចំនួនប្រមាណ ២៦៨លាន

0
2

ភ្នំពេញ​៖ នាយកដ្ខាន​ប្រឆាំង​បទល្មើស​បច្ចេកវិទ្យា​បាន​ឲ្យ​ដឹង​ថា​
ក្រុមហ៊ុន Google បានព្រមព្រៀងជាមួយរដ្ឋាភិបាលបារាំងបន្ទាប់ពីត្រូវបានរងការចោទប្រកាន់ថា បានប្រើសក្ដានុពលរបស់ខ្លួនដើម្បីគាបសង្កត់ក្រុមហ៊ុនតូចៗទាក់ទងទៅនឹងការផ្សព្វផ្សាយពាណិជ្ជកម្ម។

ការឯកភាពនេះគឺដើម្បីបញ្ចប់នូវការស៊ើបអង្កេត ហើយក្រុមហ៊ុន Google បានយល់ព្រមបង់ប្រាក់ពិន័យចំនួន ២៦៨លាន ដុល្លារសហរដ្ឋអាមេរិក និងបានសន្យាថានឹងធ្វើកំណែទម្រង់របៀបគ្រប់គ្រងផ្សព្វផ្សាយពាណិជ្ជកម្ម ចាប់ផ្ដើមពីត្រីមាសទីមួយឆ្នាំ២០២២ ដោយមានការឃ្លាំមើលពីក្រុមអ្នកគ្រប់គ្រងដាច់ដោយឡែកមួយផ្សេងទៀត។ នេះគឺជាលើកទីមួយហើយដែលក្រុមហ៊ុនបច្ចេកវិទ្យា ដ៏ធំមួយនេះបានទទួលស្គាល់ទាក់ទងទៅនឹងភាពលំអៀងនៅក្នុងរូបមន្តបច្ចេកវិទ្យាក្នុងការផ្សព្វផ្សាយពាណិជ្ជកម្ម។

ទោះបីជាកិច្ចព្រមព្រៀងនេះគឺសម្រាប់តែប្រទេសបារាំងតែមួយ ហើយការផាកពិន័យគឺវាមានចំនួនទឹកលុយតិចតួចសម្រាប់ក្រុមហ៊ុន Google នោះក្ដី ក៏ប៉ុន្តែអ្នកវិភាគគិតថានេះគឺគ្រាន់តែជាជំហានដំបូង ហើយពួកគេសង្ឃឹមថាប្រទេសជាច្រើនទៀតនៅអឺរ៉ុប និងសហរដ្ឋអាមេរិក នឹងបើកការស៊ើបអង្កេតទាក់ទងទៅនឹងករណីនេះផងដែរ៕

LEAVE A REPLY

Please enter your comment!
Please enter your name here