អាជ្ញាធរជាតិអប្សរា ដំណើរការលើកថ្មប្រាសាទ ដែលធ្លាក់រាយប៉ាយនៅក្នុងប្រាសាទបាយ័នទៅរក្សាទុក

0
4

ភ្នំពេញ៖ ក្រុមអ្នកជំនាញអាជ្ញាធរជាតិអប្សរា ដំណើរការលើកថ្មប្រាសាទដែលធ្លាក់រាយប៉ាយក្នុងកសិន្ធុខាងត្បូងឆៀងខាងលិចប្រាសាទបាយ័ន ទៅរក្សាទុកនៅទីតាំងសុវត្ថិភាពដើម្បី ថែរក្សាទុកត្រៀមបម្រុងសម្រាប់ធ្វើការជួសជុលប្រាសាទឡើងវិញ។ នេះបើយោងតាមអាជ្ញាធរជាតិអប្សរា។

លោក ស៊ឹម ថន អនុប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ ដែលជាអ្នកទទួលខុសត្រូវការដ្ឋានលើកថ្មនេះបានឱ្យដឹងថា ថ្មប្រាសាទដែលស្ថិតនៅ រាយប៉ាយក្នុងកសិន្ធុប្រាសាទបាយ័នរាប់រយឆ្នាំមកហើយនោះ មានចំនួនជិត ៣០០០ដុំ មួយផ្នែករលុះបាក់ធ្លាក់ពីតួប្រាសាទក្បែរនោះ និងមួយផ្នែកទៀតត្រូវគេជញ្ជូនយកទៅដាក់ក្នុង ពេលដែលបារាំងធ្វើការជួសជុលប្រាសាទបាយ័ន(ប្រហែលចន្លោះឆ្នាំ១៩១៣-១៩២៩)។

ថ្មដែលអ្នកជំនាញស្រង់បានមកភាគច្រើនជាប្រភេទថ្មភក់ មានដូចជា ថ្មដំបូល ធ្នឹម សសរ ខឿន ថ្មកម្រាល បូករួមទាំងថ្មមានក្បាច់ចម្លាក់ជាដើម។

លោកបន្តទៀតថា គោលបំណងលើកថ្មនេះ គឺដើម្បីរៀបចំទុកដាក់ឱ្យមានសណ្ដាប់ធ្នាប់ល្អ ដើម្បីថែរក្សាទុកត្រៀមបម្រុងសម្រាប់ធ្វើការជួសជុលប្រាសាទឡើងវិញ៕

LEAVE A REPLY

Please enter your comment!
Please enter your name here