ភ្នំពេញ៖ កំណាត់ផ្លូវ ប្រវែង ២៧៨១ ម៉ែត្រ ទទឹង ៥-៦ ម៉ែត្រ ចាប់ពីផ្លូវជាតិលេខ ៦ ភ្ជាប់ទៅជុំវិញប្រាសាទបាគង ត្រូវបានអាជ្ញាធរជាតិអប្សរា បញ្ចប់ការជួសជុលកែលម្អទាំងស្រុង ដោយអ៊ុតប្រភេទបេតុងកៅស៊ូ (AC) ដើម្បីលើកកម្ពស់សោភ័ណភាព និងសម្រួលការធ្វើដំណើររបស់ ភ្ញៀវទេសចរជាតិ -អន្តរជាតិ និងបងប្អូនប្រជាពលរដ្ឋ ។ នេះបើយោងតាមការចុះផ្សាយរបស់អាជ្ញាធរជាតិអប្សរា។
លើសពីនេះ អាជ្ញាធរជាតិអប្សរាក៏កំពុងអ៊ុតបេតុងកៅស៊ូ (AC) កែលម្អកំណាត់ផ្លូវផ្សេងៗ ក្នុងតំបន់អង្គរជាបន្តបន្ទាប់ទៀត ឱ្យរួចរាល់មុនដំណាច់ឆ្នាំ២០២១ នេះ៕
