ចាប់រថយន្តដឹកលើសទម្ងន់៦គ្រឿង លើផ្លូវព្រែកហូរ

0
10

ភ្នំពេញ៖ ក្រុមការងារចល័តចម្រុះសម្រាប់ឆ្មក់ត្រួតពិនិត្យយានយន្តលើសទម្ងន់ នៃគណៈកម្មាធិការសម្របសម្រួលអចិន្ត្រៃយ៍នៃគណៈកម្មាធិការដឹកនាំ ការត្រួតពិនិត្យយានយន្តដឹកជញ្ជូនយានយន្ដលើសទម្ងន់កម្រិតកំណត់ កាលពីថ្ងៃទី៩ ខែកក្កដា ឆ្នាំ២០២១ បានឃាត់រថយន្តយន្តលើសទម្ងន់កម្រិត កំណត់ចំនួន ៦គ្រឿង ដែលលើសទម្ងន់ចាប់ពី ៥តោន រហូតដល់២១តោន។

យោងតាមក្រសួងសាធារណការបានឲ្យដឹងថា ក្នុងនោះរថយន្ត ២គ្រឿងដែលជារថយន្តដឹកជញ្ជូនលើសទម្ងន់ លើសពី២០% នៃទម្ងន់អនុញ្ញាត ត្រូវបានរក្សាទុកចំនួន ១ឆ្នាំដោយអនុលោមតាមច្បាប់ស្តីពីផ្លូវថ្នល់ មាត្រាទី៦០ និងតាមសេចក្ដីជូនដំណឹង លេខ០៤៩ សជណ សក. គតលទ ស្តីពីការពង្រឹងវិធានការយ៉ាងតឹងរ៉ឹងបន្ថែមចំពោះយានយន្តដឹកជញ្ជូនធុនធ្ងន់ ដែលបើកបរលើបណ្តាញផ្លូវថ្នល់។

កិច្ចប្រតិបត្តការនេះបានធ្វើទៅចាប់ពីម៉ោង ១២ថ្ងៃត្រង់ ដល់ម៉ោង ៣រសៀលលើផ្លូវព្រែកហូរ ត្រង់ភូមិសាស្រ្តព្រំប្រទល់រាជធានីភ្នំពេញ-ខេត្តកណ្តាល។

ក្រសួងសូមរំលឹកជូនដល់ម្ចាស់ក្រុមហ៊ុនដឹកជញ្ជូន ម្ចាស់រថយន្តធុនធ្ងន់ និងអ្នកបើកបររថយន្តធុនធ្ងន់ទាំងជាថ្មីម្តងទៀតថា៖ ក្រសួងនឹងបន្តអនុវត្តតាមច្បាប់ និងសេចក្ដីជូនដំណឹងខាងលើយ៉ាងតឹងបំផុតដោយគ្មានការលើកលែងឡើយ៕

LEAVE A REPLY

Please enter your comment!
Please enter your name here