ភ្នំពេញ÷ ឪពុកចុងចិត្តអប្រិយ គ្មានត្រាប្រណីវាយទៅលើកូនបណ្តាលឲ្យរងរបួសជាំពេញខ្លួនត្រូវបានសមត្ថកិច្ចចាប់ខ្លួន។
ការចាប់ខ្លួននេះបានធ្វើឡើងកាលពីថ្ងៃទី២៧ ខែសីហា ឆ្នាំ២០២១ ស្ថិតនៅភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។
ជនរងគ្រោះឈ្មោះ ឃ. ស.ហ ភេទប្រុស អាយុ៨ឆ្នាំ រងរបួសខ្នង និងភ្លៅទាំងសងខាង ផ្ទៃមុខខាងស្តាំ១កន្លែង ។ ចំណែកជនដៃដល់ឈ្មោះ ខាន់ ខា ភេទប្រុស អាយុ៣២ឆ្នាំ ទីលំនៅភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។
នៅមុនកើតហេតុ ជនដៃដល់បានត្រឡប់មកពីធ្វើការរោងចក្រពូចិន ហើយបានឃើញជនរងគ្រោះយករបស់របរខ្លួនលេង និងហូបបាយ ម្ហូបមិនទុកឲ្យខ្លួន ក៏កើតក្តីខឹងយកខ្សែភ្លើងវាយទៅលើជនរងគ្រោះតែម្តង ។
ក្រោយកើតហេតុ សមត្ថកិច្ចបានចុះអន្តរាគមន៍ ឃាត់ខ្លួនជនដៃដល់ចាត់ការតាមច្បាប់៕
