WhatsApp នឹងបន្ថែមមុខងារអ៊ីនគ្រីបសិន សម្រាប់សារដែលរក្សាទុក នៅក្នុងប្រព័ន្ធ cloud

0
3

នាយកដ្ឋានប្រឆាំងបទល្មើសបច្ចេកវិទ្យា បានឲ្យដឹងថា កាលពីម្សិលមិញនេះ ក្រុមហ៊ុនហ្វេសប៊ុកបានប្រកាសថា នឹងចាប់ផ្ដើមដាក់ឱ្យ ប្រើប្រាស់មុខងារអ៊ីនគ្រីបសិន សម្រាប់សារដែលរក្សាទុកនៅក្នុងប្រព័ន្ធ cloud សម្រាប់កម្មវិធី WhatsApp។

មុខងារអ៊ីនគ្រីបសិននេះ គឺវាស្រដៀងគ្នានឹងមុខងារអ៊ីនគ្រីបសិន សម្រាប់ការផ្ញើសារធម្មតា ដែលក្រុមហ៊ុនបានដាក់ឱ្យ ប្រើប្រាស់តាំងពីឆ្នាំ២០១៦។

ជាមួយនឹងមុខងារថ្មីនេះ លោកអ្នកអាចអ៊ីនគ្រីប សារដែលចង់រក្សាទុក មុនពេលបញ្ជូនទៅក្នុងប្រព័ន្ធ cloud មានដូចជា iCloud និង Google Drive ជាដើម។ នៅពេលដែលអ្នកប្រើប្រាស់ បើកប្រើមុខងារនេះ ទោះបីជាក្រុមហ៊ុន WhatsApp ឬក្រុមហ៊ុនដែលផ្ដល់សេវាកម្ម cloud ក៏មិនអាចមើលសារទាំងនោះបានឡើយ។

ទោះបីជាប្រព័ន្ធអ៊ីនគ្រីបសិន បានជួយអ្នកប្រើប្រាស់ក្នុងការ ការពារសាររបស់ពួកគេ ពីការបែកធ្លាយក្ដី ក៏មិនមានន័យថា គ្មាននរណាម្នាក់អាចមើលសារនោះដែរ ព្រោះក្រុមហ៊ុនមានបុគ្គលិក រាប់រយនាក់ដែលកំពុងតែ ឃ្លាំមើលសារទាំងនោះ នៅពេលដែលមានសេចក្ដីរាយការណ៍ ពីអ្នកប្រើប្រាស់ទាក់ទងនឹង ការបំពានផ្សេងៗ នេះបើតាមការផ្សព្វផ្សាយ របស់ក្រុមអ្នកស្រាវជ្រាវ កាលពីពេលថ្មីៗនេះ ៕

LEAVE A REPLY

Please enter your comment!
Please enter your name here