ភ្នំពេញ៖ កាលពីថ្ងៃទី១២ ខែកញ្ញា ឆ្នាំ២០២១ កម្លាំងជំនាញ អធិការដ្ឋាន នគរបាលស្រុកសំរោង សហការជាមួយប៉ុស្តិ៍ នគរបាលរដ្ឋបាលលំចង់ចុះបង្ក្រាបបានហើយករណីរំលោភសេពសន្ថវៈមានស្ថានទម្ងន់ នៅចំណុចចិញ្ចេីមផ្លូវភូមិខ្វាវ ឃុំលំចង់ស្រុកសំរោងខេត្តតាកែវដោយធ្វើការឃាត់ខ្លួន ជនសង្ស័យបានចំនួន២ នាក់
ចំពោះការបង្ក្រាបករណីខាងលើនេះ ផងដែរ ដោយអនុវត្តតាមការចង្អុលបង្ហាញពីសំណាក់លោកស្នងការនគរបាលខេត្តតាកែវ និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ បានឈានដល់ ការឃាត់ខ្លួនជនសង្ស័យបានចំនួន២នាក់ ក្នុងមានរួមមាន៖
ទី១- ឈ្មោះសែម ច័ន្ទតារា ភេទប្រុសអាយុ២២ឆ្នាំ រស់នៅភូមិស្វាយព្រៃ ឃុំលំចង់ស្រុកសំរោងខេត្តតាកែវ
ទី២-ឈ្មោះ អ៊ុក អ៊ួនរដ្ឋា ភេទប្រុសអាយុ២៤ឆ្នាំ រស់នៅភូមិស្វាយព្រៃ ឃុំលំចង់ស្រុកសំរោង ខេត្តតាកែវ។
តាមការឲ្យដឹង ពីសមត្ថកិច្ចជំនាញ ករណីនេះ គឺជនសង្ស័យទាំង២ និងជនរងគ្រោះមានទំនាក់ទំនងស្គាល់គ្នា តាមឆាត Facebook ជិត៣ខែមកហើយ ក៏បានណាត់នារីរងគ្រោះ មកជួបគ្នាត្រង់ចំនុច កើតហេតុខាងលើ នៅវេលាម៉ោង ២យប់ ខាងក្រោយវត្តអង្គធ្លក ភូមិខ្វាវ ឃុំលំចង់ ស្រុកសំរោង។
សមត្ថកិច្ច បានបញ្ជាក់បន្ថែមថា តាមចម្លើយសារភាព ពីជនសង្ស័យថាដោយឃើញឱកាសល្អ យប់ស្ងាត់ជនសង្ស័យ២ នាក់មិត្តភ័ក្ត ក៏បែកគំនិតចាប់នារីរងគ្រោះ វ័យ១៧ឆ្នាំនោះ រំលោភបូក បានសម្រេចជាច្រើនដង ក្នុងស្ថានភាពខ្លួនស្រវឹងស្រឺងៗផង។
បច្ចុប្បន្នជនសង្ស័យទាំង២នាក់ រួមនិងវត្ថុតាង ត្រូវបានកម្លាំងជំនាញ កំពុងកសាងសំណុំរឿង បញ្ជូនទៅស្នងការដ្ឋាន នគរបាលខេត្តតាកែវ ដើម្បីចាត់ការតាមនីតិវីធីច្បាប់៕