អនុប្រធាននាយកដ្ឋាននគរបាលការពារព្រំដែន​គោក ត្រូវបានដកដំណែងមកជាមន្ត្រីធម្មតា ព្រោះតែល្មើសវិន័យរបស់កងកម្លាំងនគរបាលជាតិ

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញសេចក្ដីសម្រេច​អនុវត្ត​វិន័យចំពោះលោកវរសេនីយ៍ឯក សឿន ប៊ុនធឿន អត្តលេខ៦៤៥៦៨ ក្រោម​រូបភាពដកហូតមុខតំណែងពី​អនុប្រធាននាយកដ្ឋាននគរបាលការពារព្រំដែនគោក ឲ្យមកជាមន្ត្រី។

ក្នុងសេចក្ដីសម្រេចបានបញ្ជាក់ថា ការដកហូតមុខតំណែងអនុប្រធាននាយកដ្ឋាននគរបាលការ​ពារព្រំដែន​គោក នេះក្នុងមូលហេតុល្មើសវិន័យរបស់កងកម្លាំងនគរបាលជាតិ៕