អាមេរិក​ទើប​សង​លុយ​ជំ​ពាក់​ខ្លះ​ៗទៅ​ឱ្យ​អង្គការសហប្រជាជាតិ​

0
82
អាមេរិក​ទើប​សង​លុយ​ជំ​ពាក់​ខ្លះ​ៗទៅ​ឱ្យ​អង្គការសហប្រជាជាតិ​
អាមេរិក​ទើប​សង​លុយ​ជំ​ពាក់​ខ្លះ​ៗទៅ​ឱ្យ​អង្គការសហប្រជាជាតិ​

សហរដ្ឋអាមេរិក​ទើបតែ​បង់ប្រាក់​ដែល​ខ្លួន​ជំពាក់​ទៅ​ឱ្យ​អង្គការសហប្រជាជាតិ​ (UN​) កាលពី​ឆ្នាំ​ ២០១៨​ និង​ការ​បង់ប្រាក់​បន្ថែម​ខ្លះ​ៗ ទៅតាម​កាតព្វកិច្ច​នៅក្នុង​ឆ្នាំ២០១៩​។

អ្នកនាំពាក្យ​របស់​ UN​ បានឱ្យ​ដឹង​ថា​ សហរដ្ឋអាមេរិក​បាន​ធ្វើការ​បង់ប្រាក់​ ៥៦៣លាន​ដុល្លារ​ទៅដល់​អង្គការសហប្រជាជាតិ​ (UN​) ដើម្បី​បញ្ចប់​វិក័យប័ត្រប្រាក់​បំណុល​កាលពី​ឆ្នាំ២០១៨​ ដែល​ខ្លួន​បាន​ជំពាក់​ និង​ជា​ការ​បង់ប្រាក់​បន្ថែម​ខ្លះ​ៗ ទៅតាម​កាតព្វកិច្ច​នៅក្នុង​ឆ្នាំ២០១៩​។

បើ​យោង​តាម​ការ​បញ្ជាក់​នោះ​គឺ​សហរដ្ឋអាមេរិក​នៅ​ជំពាក់​ ៤៩១លាន​ដុល្លារ​ទៀត​ ចំពោះ​កាតព្វកិច្ច​ចំណាយ​សម្រាប់​ទ្រទ្រង់​អង្គការ​អន្តរជាតិ​ ខណៈ​ដែល​នៅពេល​នេះ​សមាជិក​ UN​ ចំនួន​ ១៣៨​ ក្នុងចំណោម​ ១៩៣ប្រទេស​ បាន​បង់ប្រាក់​ពេញលេញ​ទៅតាម​កាតព្វកិច្ច​របស់​ខ្លួន​រួចរាល់​ហើយ​ នៅក្នុង​ឆ្នាំ២០១៩​។

អ្នកនាំពាក្យ​របស់​ UN​ បាន​លើកឡើង​ថា​ ការ​បង់ប្រាក់​យឺត​របស់​អាមេរិក​ បាន​បង្ក​ឲ្យ​ UN​ ជួបប្រទះ​បញ្ហា​ជាច្រើន​ផង​ដែរ​ បន្ទាប់ពី​ការ​មាន​វិប​ត្តិ​ផ្ទួន​ៗនា​ប៉ុន្មាន​ខែ​មកនេះ​ ជាពិសេស​ក្រោយពី​សហរដ្ឋអាមេរិក​សម្រេច​កាត់បន្ថយ​ប្រាក់​ ២៥​% សម្រាប់​ទ្រទ្រង់​ប្រតិបត្តិ​ការ​រក្សា​សន្តិភាព​របស់​ UN​ នោះ​៕

LEAVE A REPLY

Please enter your comment!
Please enter your name here