ភ្នំពេញ៖ យោងតាមផេករបស់សម្តេចតេជោ ហ៊ុន សែន បានឲ្យដឹងថា នៅព្រឹកថ្ងៃទី១៤ ខែតុលា ឆ្នាំ២០២១នេះ រាជរដ្ឋាភិបាលកម្ពុជា ទទួលបានវ៉ាក់សាំងបង្ការជំងឺកូវីដ១៩ ស៉ីណូវ៉ាក់ (Sinovac) ចំនួន២លានដូសទៀតហើយ ដែលជាជំនួយរបស់រដ្ឋាភិបាល និងប្រជាជនចិន ជូនរាជរដ្ឋាភិបាលកម្ពុជា។
ប្រទេសចិន គឺជាប្រទេសដំបូងគេ ដែលបានផ្តល់ជំនួយវ៉ាក់សាំងបង្ការជំងឺកូវីដ១៩ មកកាន់ប្រទេសកម្ពុជា កាលពីខែកុម្ភៈ ឆ្នាំ២០២១។ មកដល់ពេលនេះ វ៉ាក់សាំងដែលរដ្ឋាភិបាលចិន បានផ្តល់ជាជំនួយមកកម្ពុជាមានចំនួនសរុប ៦លាន ៨០ម៉ឺនដូស ហើយមកដល់ពេលនេះ កម្ពុជា បានទទួលវ៉ាក់សាំងពីប្រទេសចិនទាំងជំនួយ និងការបញ្ជាទិញមានចំនួនសរុប ៣២លាន ៨សែនដូស។ វត្តមានវ៉ាក់សាំងរបស់ចិន បានធ្វើឱ្យកម្ពុជាសម្រេចផែនការចាក់វ៉ាក់សាំងជូនប្រជាពលរដ្ឋបានយ៉ាងឆាប់រហ័ស និងមុនផែនការគ្រោងទុក។
គិតត្រឹមថ្ងៃទី១៣ ខែតុលា កម្ពុជា ចាក់វ៉ាក់សាំងជូនប្រជាពលរដ្ឋអាយុចាប់ពី ៦ឆ្នាំឡើង បានចំនួនជាង ១៣.៥លាននាក់ហើយ ស្មើនឹងប្រមាណ ៨៤.៦៦ភាគរយ ធៀបនឹងចំនួនប្រជាពលរដ្ឋសរុបប្រមាណ ១៦លាននាក់។ ក្នុងនោះអ្នកចាក់បានទាំងពីរដូស មានចំនួនជាង ១២លាននាក់ ហើយអ្នកចាក់ដូសទី៣ ឬដូសជំរុញ បានជាង ១លាននាក់៕
![](https://z-p3-scontent.fpnh18-1.fna.fbcdn.net/v/t39.30808-6/p600x600/245527790_4467131143335348_6507472002947201274_n.jpg?_nc_cat=108&ccb=1-5&_nc_sid=8bfeb9&_nc_eui2=AeHaC_x5ttwhpLy0cRXt5-RKq_1CZ6Thn9yr_UJnpOGf3CcNb0wWuzHIngUuTBAPUjmoKHA1bQURJwt0yaToJYuZ&_nc_ohc=GlVKCGbxbCIAX-JiKmL&_nc_pt=1&_nc_ht=z-p3-scontent.fpnh18-1.fna&oh=1129b51e9b068aa15f4370d2454a02c8&oe=616BF472)
![](https://z-p3-scontent.fpnh18-1.fna.fbcdn.net/v/t39.30808-6/p600x600/245539129_4467131270002002_338651478879414491_n.jpg?_nc_cat=100&ccb=1-5&_nc_sid=8bfeb9&_nc_eui2=AeFHz09Frpxn_QJKpcjebAURzMGYRcdGdxTMwZhFx0Z3FNoSv2YMlU7PfveIvzuaDclJoQmhU31seQ3v6Bhjedex&_nc_ohc=d4GNGWGzZoAAX9WIATZ&_nc_pt=1&_nc_ht=z-p3-scontent.fpnh18-1.fna&oh=b389c11cdda0ff196a55dabc3e1cd04c&oe=616CD6CD)
![](https://z-p3-scontent.fpnh18-3.fna.fbcdn.net/v/t39.30808-6/p600x600/245604490_4467131366668659_8606728484511384363_n.jpg?_nc_cat=105&ccb=1-5&_nc_sid=8bfeb9&_nc_eui2=AeGKUBNdGA6ZH6dCSwZxAa04lRJN-EBifz2VEk34QGJ_PfpCpJuKgXqeY7PzfwBXxsAKA-l71486RV5cNdkyeJW1&_nc_ohc=DYVuFP4mlaIAX8f8X0_&_nc_pt=1&_nc_ht=z-p3-scontent.fpnh18-3.fna&oh=4620574357ffe1ecfc11d241031d2f02&oe=616C29D5)